سلام الله

على وضح النقى مانقبل التهميش والتغرير= وفزعات الرجال تبين قبل تنب اساميها
عطيتك علم واضح بالمعاني داخل التقرير= ومثلك ماجهل بنت الهوى يعرف مغازيها

صح اللسانك يالحجيري وبيض الله وجهك ولافيك حيله والله ان اللعب معك له طعم خاص وعذرني على القصور عندنا دوام الصبح والله يعين والختام عندك
نشكر كل الاخوان اللي شجعونا وساعدونا بالتواجد والله لايهينهم 0 وعلى المحبه نلتقي

ياسلااااااااااااااااااام ياسلاااااااااااااااااام

صحت ألسنتكم والله يعافيكم

مبدعين

	المشاركة الأصلية كتبت بواسطة صنت البدراني

	على وضح النقى مانقبل التهميش والتغرير= وفزعات الرجال تبين قبل تنب اساميها عطيتك علم واضح بالمعاني داخل التقرير= ومثلك ماجهل بنت الهوى يعرف مغازيها

أنا ادري لو نقدمّها ما تلقى عندكم تأخير=لكنّ المشكله ودّك عن العربان تخفيها
وانا مديتلك مد الوفا لكن عليك أشير=بذكر اللي رفع سبع السما نختم قوافيها

صح لسانك يا صنت وبيض الله وجهك وتشرفت باللعب معك يالنشمي

وشكرا للجميع على متابعتهم ومرورهم

لا عدمناكم

	المشاركة الأصلية كتبت بواسطة صنت البدراني

	صح اللسانك يالحجيري وبيض الله وجهك ولافيك حيله والله ان اللعب معك له طعم خاص وعذرني على القصور عندنا دوام الصبح والله يعين والختام عندك نشكر كل الاخوان اللي شجعونا وساعدونا بالتواجد والله لايهينهم 0 وعلى المحبه نلتقي

صح بدنك يا ولد العم

عز الله انك تنومس وقافك أطربني ولحونك محببه لنفسي

وانا اشهد اني استمتعت بالمحاوره معك

شاعر تاخذ وتعطي وراعي معنى وراعي عرف وراعي خلق وراعي الغانمه وانا اشهد

المعذره على القصور والله لا يهينكم جميع

الى لقاء اخر فيه من جماليات هذه المحاوره القيمه ان شاء الله

نترككم في امان الله

صنت البدراني=
سلام الله سلامٍ يفتح ابواب السعد والخير=نـقـولـه كـــل ماجـيـنـا عـلــى ديــــره واهـالـيـهـا
نبي ناخذ علـوم القـوم بالتوريـد والتصديـر=عسانـا ناجـد اللـي يتقـن الحـجـه ويحميـهـا
حفيد الحجيري=
هــــلا يــــا مـرحــبــا تـرحـيـبــةٍ حــســـب الـنــظــام تـســيــر=تـراحــيــب الـمــطــر لا هـــــلّ وبــلـــه فـــــوق أراضـيـهــا
لحونك تطرب السامع كما شدو الحمام عصير=وعـنــد أهـــل الـوفــاء تـلـقــى عـلـومــاً جــيــت بـاغـيـهـا
صنت البدراني=
يـدوم الـك البقـى مافـيـه لاشـكـه ولاتقصـيـر=علـى سلـم الوفـاء والطيـب نبداهـا وننهيهـا
توكلنا على الله وحسن التصوير والتعبير=ومر الشجره اللي غصنهـا ضلـل سواقيهـا
حفيدالحجيري=
ما منك قصور ما يطري علينا الشك فالتفكير=نــعــرف الطـيـبّـيـن الــلــي عــلــى الـطــيــبّ مـبـاديـهــا
عــلــيـــه الاعــتـــمـاد ومــــــــا يــــقــــدرّ ربــــنــــا بــيــصــيــر=واذا قـــــــدرّ جـنــيــنــا مـــــــن رطــبــهـــا يـــوم ناتـيـها
صنت البدراني=
يـاحـبـنــا للـعـاقـلـيـن الــلـــي تــنــيــر وتـسـتـنـيــر=تشجعـنـي عـلـى العلـيـا تخـاويـنـي وخـاويـهـا
تقوله مير راح العمر والتمره كلاها الطير=وراحت يالحجيري مانت ذايق مـن تواليهـا
حفيدالحجيري=
مخاوى الحر ما نشناه ما نخلف معاه السير=نبيـع أهــل الــردى فالـسـوق والظـفـران نشريـهـا
خذيـنـا قسمـنـا وافــي وخليـنـا الـحـشـف للـغـيـر=وتـمــره قـــد نـقـرهـا الـطـيـر مـــا لـيّــه هـــوى فـيـهــا
صنت البدراني=
الا ياطيب رجلٍ لا خاويتـه زاد بالتقديـر=وهاذي عادة الوافين تسمو فـي معانيهـا
هقيتك تبعد النظره وتفهم نغمـة التشفيـر=واثرك اللي يمر الطايره ماشاف رجليها
حفيد الحجيري=
على نيّة صفا و أهل الصفا ما تقبل التعكير=ومــــدّات الــرجــال تـبـيــن لا جــيــت بـحـراويـهــا
بعـيـده نظـرتـي وانـتـه فقـولـك مــا وفــى تفسـيـر=عـيــونــي فـــــي عــلـــوّ الـنـايـفــه مـا لــدّ واطــيها
صنت البدراني=
على وضح النقى مانقبل التهميش والتغرير=وفـزعـات الـرجـال تـبـيـن قـبــل تـنــب اسامـيـهـا
عطيتك علم واضح بالمعاني داخـل التقريـر=ومثلـك ماجهـل بنـت الهـوى يعـرف مغازيـهـا
حفيدالحجيري=
أنا ادري لو نقدمّها ما تلقى عندكم تأخير=لكـنّ المشكلـه ودّك عــن العـربـان تخفيـهـا
وانـا مديتلـك مـد الوفـا لـكـن علـيـك أشـيـر=بذكر اللي رفـع سبـع السمـا نختـم قوافيهـا

(صنت البدراني)و(حفيدالحجيري) صحت الألسن وبيض الله وجيهكم
ودمتم بود

صنت البدراني و حفيد الحجيري


محاورة قمة بين شاعرين من كبار الشعار


صحت السنتكم وبيض الله وجيهكم

	المشاركة الأصلية كتبت بواسطة حفيد الحجيري

	هههههههههههههههههه فالملعبه اهون والله على الجهاز ... هذا جوال يدق وهذا سلك فالجهاز يفصل وهذا الولد يصيح وامه تنادي وشغله طويله عريضه هههههههههههههههه بس انتم يالصفوف مريحين لا جا الرد بديتو تطامرون شوي ماهو زي الميدان ما فيه جلسه ههههه الله يعطيكم العافيه ولا يحرمنا منكم ومن مروركم العطر

والله ياخوك الملعبه صعبه خصوص ان كان الصفوف مجنن يجون لك بالجنان
لكن البيت مافيه صعب الا المناداه اللي ذكرتها هههههههههههههه

تقوله مير راح العمر والتمره كلاها الطيروراحت يالحجيري مانـت ذايـق مـن تواليهـا
تقوله مير راح العمر والتمره كلاها الطيروراحت يالحجيري مانـت ذايـق مـن تواليهـا
تقوله مير راح العمر والتمره كلاها الطيروراحت يالحجيري مانـت ذايـق مـن تواليهـا