أهل المراجل رافضين المناقيد

الابيات التى أرسلها لي صاحبي لصاحب قصيدة العيد
لا أعرف شاعرها ...طبعا له وجهة نظر ولي وجهة نظر مخالفه له والرد ليس على صاحب القصيدة ولكن على صاحبى الذى تبني الفكرة ومقتنع بها فحاولت ممازحتة بالرد على منقوله....

الشفت لخبط راحتي مثل نومي=والزيت ماشي فالانابيب ويزيد
والزام زام الصبح جعله يشومي=قد كان له مع ماضي الوقت ترديد
عزاه ياحظ(ن) ٍحسبته يقومي= عزاه ياحظ العنا والتباليد
أحدٍ تلبس من جديد الهدومي=معيد فالعيد عند الرغاديد
وأحدٍ سواتي مايل الحظ يومي=عليه من لبس الكفرهول تمديد
قيجات بمب مكسرات الخشومي= ومراوحٍ تفتر من زود تبريد
وبيبات بقعا ما تعرف القرومي=لاشفتها ماغير أجر التناهيد
حالي على العيدين مثل الهشومي=متهشمٍ حالي على الضمر الغيد
والا على المقناص بعد العزومي=فالساحل الشرقي لحزم الجلاميد
حر طليق مع الهواء والحزومي=غادي لأبن عدوان والا لبوزيد
ياصاحبي صبري قضى مثل يومي=عليك ياللي كايل الكيل وتريد
يالله يامنشى مزون الغيومي=أنك تعدلها من الشفت والقيد
شف يارفيقي قبل أقطع أهدومي=ماأبغى حقوقي بس لي حق فالعيد
ودي أعيد بين ربعي وقومي=والزام ماسكني على التيم تأكيد
ياليتني ياخي موظف حكومي=ماعرف زام الليل وأعيد العيد

وهذا هو ردي على الابيات السابقه

بديت بسم اللي لخلقه رحـومي=خير الكلام اللي بدأبه قواصيد
الأ بـذكـر الله زالـت هـمومي=بديت بأسمه يفعل الله مايريد
حنا سمعنا من طوارف علومي=أخبار باغي العيد مدور الصـيد
اللي على البيبات ينخي ويومي=اللي على شفته يجيب التناشيد
صورت نفسك فى ثياب محرومي=لاتكثر الهرجه مع القول وتعيد
الشفت يبغاله عيال(ن) قرومي=أهل المراجـل رافضـين المناقيد
الكل منهم للـمراجـل عـزومـي=ولايكابد الشدات كود الصناديد
أهل الطموح اللي تفوق النجومي=خدمة بلد بها أسـتـفـاده لها يـفـيـد
أعرف تراك مقدر(ن) ومحشومي=في ديرة أجواد(ن) وحولك أجاويد
حافظ على شغلك ولاأنت مهمومي=تكسب فلوس وتقنص المال وتصيد
دنياك هاذى ماهى لأحد(ن)تدومي=ما ينقنص بالطـير والا الـبواريد
يوم(ن) غيرك واقف(ن) بالرجومي=محسوب من ضمن الرجال المقاريد
مسكـين يقـطـع بالديـار ويحـومـي=فـقـير حال وحـطـوا فـيه المناقيد
والعيد عـيد اللي حـظـه يـقـومي =العيد ماهو قولت مبروك وسعيد
العـيد للي يعـرفـون الـيمـومي=أهل العزوم الصارمه تكسر الحيد

صح لسانك


وبيض الله وجهك على القصيدة الرائعة


دمت مبدعاً ومتألقاً

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

ياسلام عليك يانادر


صح لسانك رد وافي من شاعر جزل وغير غرية عليه الجزاله

لاعدمنا تواجدك

تقبل مروري

صح لسانك


وبيض الله وجهك على القصيدة الرائعة


دمت مبدعاً ومتألقاً

صح الله لسانك الذيب
على القصيده
دمت في حفظ الرحمن

بيض الله وجهك شاعر مثلك يجب علينا كلنا ان نفتخر بتواجده بيننا
اسجل اعجابي بما تخط دمت بود

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يانادر النادر

وصاحبك عطيته النصيحة والعلم الصحيح مار من قوله والا منقوله

تقبل جزيل الود والاحترام

صح لسانك


وبيض الله وجهك على القصيدة الرائعة