بعد طول الغياب

ابراهيم القرون=
ياسلامي على وجيه الرفاقه =عد مادن رعد ولاح برقـه
صاحبي كلما قرب فراقـه =تدمع العين بالدمعات حرقه
محمد العمري=
مرحبا عد من شال البطاقـه =وعد ماغنت من الورق ورقه
صاحبك مالنـا وراه فاقـه =كان تقدر خذه منهم بسرقـه
ابراهيم القرون=
العراقي يفجـر فـي عراقـه =وانت طرقك يشابه شكل طرقه
مير ابعطيك بنـدق يالتفاقـه =تخرق الضلع ولا ماتخرقـه
محمد العمري=
العراقي يشوف الشيخ باقه =وانت قرك يشابه شكل قرقه
عضمك اليوم داخلبه اعاقه =خشمك اليوم يبغاله عرقـه
ابراهيم القرون=
فحل واحد يلقح كـم ناقـه =يطرد الذود من غربه لشرقه
انت سواق تجهل بالسواقـه =مير ممنوع تدخل حي عرقه
محمد العمري =
خله يلقحك وتجيك اللباقه =ثم لبسبك بشماله وخرقه
سايقاً قبلك واعرف صداقه =من رجـال منـك برقـه
ابراهيم القرون=
انت مالك برمح القوم طاقه =يوم زرق الرماح ويوم زرقه
لكن اقطع مع الشعر العلاقه =ياكبر فرقك وياكبـر فرقـه
محمد العمري=
انت يا براهيم قطاع ساقه =الوفا والطيب ماهو بدرقه
لايغرك اللغب هذا علااقه =وهقوك وانت مانته بطرقه
ابراهيم القرون=
والله اني على شرواك عاقه =والحديد الصدي ياسهل طرقه
تبني البيت وتضيق شناقـه =مير شوري عليك انك تحرقه
محمد العمري=
أقعد بيت الفرم تحت رواقه =لاتعاند واحدن يشرقك شرقه
خل أخو حسنه يفكك يالبهاقه =قبل لاروقك بالميدان روقه
ابراهيم القرون=
البس سوار ولا البس حلاقه =تشرب البن ثم تجيك شرقـه
مالكم فـي قبيلتنـا علاقـه =كيف تقدر تحارب روق وبرقه
محمد العمري=
يابرق الجنحان مليانه براقـه =اشرب الحلتيت ولحيه معروقه
ربعنا نفخر بهم وقت العماقـه =وانت مالك عندهم ماغير عرقه