ديوان الشاعر(علي بن عيد البشري)

علي عيد البشري =
وين التقي لي طبيب يفيد = ويفيدني بالدواء في داي
اللي معي يستجد ويزيد = ويعيد سقمي بكل عضاي
بخيتان البشري =
نكدت لي خاطري تنكيد = من حال تشكيه هد قواي
فند لنا المشتكى تفنيـد = آساك كنه آسى فحشاي
علي عيد البشري =
يابو محمد على ما أريد = عيت تحقق معي رجواي
الوضع ماهو لنا فالأيد = هذا الذي زاد في بلواي
بخيتان البشري =
حرف المثل ما حوى تجديد = حتى نبادر لكم بالرأي
ماراح لاعاد فيه تعيد = عطنا جديده معك فالجاي
علي عيد البشري =
غالي ومحسوب عندي سيد = هو غايتي فالحياة مناي
يرجع كما كان لي واهيد = عساك فاهم معي معناي
بخيتان البشري =
إن كان والقصد بالتحديد = إن ماخطت رمية الرماي
فلذة الكبد يابن عيد = هيا استمع ماينص ادواي
علي عيد البشري =
اوجزت لي كامل التفنيد = ولازال سمعي لكم صغاي
هات الذي للجروح يبيد = اللي بكبدي لها براي
بخيتان البشري =
جعل السعادة عليك تسيد = والضر كشفه على مولاي
أوصيك بالصبر يا صنديد = وقت الشدايد لها رساي
علي عيد البشري =
النصح منكم لنا تمجيد = وأعطيتني حل في شكواي
ميار ورده وحزة عيد = فالدار لاشفتها سلواي