رد الحربي علي ابن الذيب العجمي

وترى النـاس مـن آدم إلـى آخـر الحييـن * * مـن الطيـن يـم الطيـن للطيـن مـنـرده
"رد الحربي على بن الذيب"
الشاعر محمد ابن الذيب العجمي: كان له قصيدة يمدح بها الشيخ جاسم... ولكنه في هذهالقصيدة.... تمادى على الدين وأنكر ما لا ينكر وقال أن الشيخ جاسم من نور وليس من طين........... و حز في نفسي هذا التمادي والتطاول على الدين فكانت هذه القصيدة... نسال الله له الهداية

أببـدا بذكـر منـزل العـصـر والتكـويـن =عظيـم الجـلال مهـون الضيـق والـشـدة
وهو خالقي هـو رازقـي والعـرب داريـن =إلى من رضى عني مـا احـد همنـي بعـده
وببـدا بقـاف هيضـه بالحـشـا شيـيـن =غيـارة علـى دينـي ونصـح عـن الـردة
و الا يـا محمـد شاعـر وتلعـب اللحنيـن =بخـيـص ببحرالشـعـر ومـحـدد حــده
ولاهـو بعيـب المـدح بالطيبـيـن يـزيـن =ومـن شـاف طيـب بصاحبـه لازم يـعـده
وصحيح ان بعض الملح في المدح ما هو شين =ولكـن الـى مـن زاد ملـح انقلـب ضـده
ومهمـا تمادينـا تـرى واجـب ان الـديـن =نراعـي جنـابـه مــا نتـعـداه ونـهـده
وانـا ماهقيـت انـك غشيـم تبـي تبييـن =ماتدري عن اصلـك جاهـل بجـزره ومـده
ولا ظنتـي كثـر المهايـط لمثـلـك زيــن =يشينـك مـع العربـان لا سمعـوا بــرده
مدحت الأمير وقلت مـن نـور ماهـو طيـن =ومـا ادري لسانـك للتهاليـك وش حــده
وترى النـاس مـن آدم إلـى آخـر الحييـن =مـن الطيـن يـم الطيـن للطيـن مـنـرده
وجاسم ترى مثلـي ومثلـك بشـر مسكيـن =الا مـات دود الأرض مـا هـاب مـن خـده
وجاسـم أميـر بطيبـه النـاس معترفـيـن =لكنـه بشـر مـن طيـن مثلـه مثـل جـده
عريب أصيـل مـن نسـل نـاس معروفيـن =سمعنـا بطيبـه مـع هـل الطيـب ونعـده
يكفيـه لـو عديـت طيبـه مـع الأقصيـن =عـن النـور هـذا اللـي نسبتـه لـه ورده
وترى الله خلق خلق مـن النـور مذكوريـن =ومنهـم تـرى جبريـل روح القـدس وحـده
وهذي نصيحـة مشفـق لـك شفاقـة ديـن =عـن الغـي ودروبـه وشـي لـك يـحـده

للشاعر /نواف بن سليم البيضاني الحربي
.................................................. .............................................

الله يعطيك الف عافيه يا الكايد...

الله يـعـطـيـك الـعـافيـــــــــــة يالكايد

وصح لسان الشاعر نواف بن سليم البيضاني الحربي


اخـوك الـحـب الـبـاقـي


دمت بخير

الكايد

يعطيك العافية و صح لسان الشاعر/ نواف البيضاني

و ياليت نجدها بالصوت ( ببلوتوث الجوالات ) لكي تنتشر

جميع شعراء القبائل تحصل قصائدهم بالجوالات بلوتوث

إلا شعارنا

لماذا : ما أعلم هل هو تكاسل و منا أو إهمال

يعطيك العافية و صح لسان الشاعر/ نواف البيضاني

يعطيك الف عافية

الأخ الكايد

ياسلام

ابداع رائع ونصيحه قيمه وتذكير نافع واسلوب راقي

لله دره

وصح الله لسان الشاعر نواف بن سليم البيضاني الحربي

ويعطيك العافيه

وبيض الله وجهك

تقبل تحياتي

ودمت بخير

والله أنا من طرفي أشوف هالذيب اللي راجينا فيه

إنه

نعجه ... وبعد صايبها أبو رمح ؟!

خخخخخخخخخخخ

تحياتي و مودتي

الأخ الغالي / الكايد

مشكور على نقل هذه القصيده التي أكثر من رائعه
صح لسان شاعرها / نواف بن سليم البيضاني الحربي
وبيض الله وجهه على غيرته لدينه
وصح لسانه مرةً ثانيه
وأرجو ألا يحرمنا من سماع مالديه من قصائده القيمه



للجميع تحياتي وتقديري

الكايد

ان كان الكايد هو صاحب القصيدة
صح لسانك وبيض الله وجهك

وان كان الكايد ناقل

اقول صح لسان الشاعر وسلمت يمين الناقل


اخي الكايد متابع لك قلم يستحق المتابعة
وتقبل تحياتي

اخوك محمد الفالح