تسمع بالإذاعة يمكن إيجيـك الخبـر فيهـا .. ابو خالد

	المشاركة الأصلية كتبت بواسطة ورقان

	الله الله اثر سوق البضايع ياولد تلعبه التجار= ترخص نوب في سلعة وسلعه نوب تغليها اذا طمعت نفوس الاوادم والنفس كبار= ترى بعض النفوس اليوم مابه شئ يرضيها

اذا شفت الغلا بالسوق فابعد لاتنوش الحار= واذا شفت النفوس كبار بعّد لاتجاريها
مادام انك تشوف السوق طار وكل شي جار= تجنب علة تتعبك وانته مانت قاويها

انا ماهمني بالسوق واشريها ولو مليار= وانا بعض النفوس اللي ترا ماجييت ناصيها
عسا راع الذلول الي غدت في أول المشوار= الى منه سرى في تالي الطرقة يلاقيها

صحت السنتكم يالربع وبيض الله وجيهكم
محاوره ممتعه واصلو متابعين

ابوهليل

وجهك ابيض ولسانك صحيح

تشرفني مشاركتك

	المشاركة الأصلية كتبت بواسطة ورقان

	انا ماهمني بالسوق واشريها ولو مليار= وانا بعض النفوس اللي ترا ماجييت ناصيها عسا راع الذلول الي غدت في أول المشوار= الى منه سرى في تالي الطرقة يلاقيها

انا عارفك تاجر ماتهاب ومن حمام الدار= انا فاهمك واعلومك عليه ماتمشيها
كلامك بين ليه وعلمك ماعليه اغبار = ذياب البرنعرفها ولانجهل معاديها

	المشاركة الأصلية كتبت بواسطة ابوهليل

	صحت السنتكم يالربع وبيض الله وجيهكم محاوره ممتعه واصلو متابعين

شرفتنا يابو هليل ونورت متصفحنا شكرا لك

ورقان
ابوخالد الفريدي
صحة السنتكم
وماعليش ياورقان
انا بصف ابو خالد

اذا شفت الغلا بالسوق فابعد لاتنوش الحار=واذا شفت النفوس كبار بعد لاتجاريها

ياسلام ياسلام
هذا الكلام اللي يصحي من النوم

انته لو عارفها تقول الحر نسل احرار = خطاك السو مار ادعي عسى ربك يسويها
تدورها الليالي والليالي بالفلك دوار = ونساير دورة الايام نقضبها ونخطيها

	المشاركة الأصلية كتبت بواسطة مهجرس الحرف

	ورقان ابوخالد الفريدي صحة السنتكم وماعليش ياورقان انا بصف ابو خالد اذا شفت الغلا بالسوق فابعد لاتنوش الحار=واذا شفت النفوس كبار بعد لاتجاريها ياسلام ياسلام هذا الكلام اللي يصحي من النوم

مهجرس الحرف

صح بدنك

ووجود بصف ابوخالد ترا والله يسعدني

وابو خالد شاعر جزل نستفيد منه

الشاعر ابو خالد

بيض الله وجهك وصح لسانك مليون

اسعدتني وشرفتني بمجاراتك وردودك الجزلة

الف شكر لا تكفيك ولك كل الود والاحترام

والعذر والسموحة ان حصل خطا غير مقصود

والف شكر لكل من شرفنا وانار متصفحنا بمشاركاته

والختام عندك يابوخالد طال عمرك