( انا عدوّي راعي القيل والقال )......... مساجله

/
/
/
/
/
/
/
/
/
/
/
/
/
/

بدع الشاعر / خالد بن عبيد بن معتوق ألأحمدي

اسمع يامضحي شرح ينبي عن الحال=منك انتظر مـردود يابـن الحمولـه
قليلـه بحقـك إلا قـلـت رجــال=وفـاك متعـدي حـدود الرجـولـه
عايش حياه مسلسل ٍ كلـه اهـوال=واخذت يامضحـي عليـه البطولـه
من ناس يامضحي تعقّد لـي احبـال=شي ٍ يهـون وشـي ياكبـر هولـه
وانا عدوّي راعـي القيـل والقـال=لاصدّقـوه النـاس فاللـي يقـولـه
عزي لمن يصغي على هرجته بـال=يصيـر عقلـه كنـه بحجـم فولـه
وانا عزيز ولا اقرب دروب الانـذال=عرق الوفـا فينـي قويـه اصولـه
صادق ضميري مايجيبـوه بالمـال=لا والـذي بالحـق ارسـل رسولـه
الضيف يلقى عندنـا فـال وعقـال=ومن زارنـا فـي دارنـا مانغولـه
نقوم بالواجب علـى طيـب منـزال=لو هو عدو مانجرحـه فـي نزولـه
والغدر دربـه مالنـا فيـه مدخـال=رفيقنـا شـر الـعـدا مايطـولـه
والله عليـم ٍ بالنوايـا والاعمـال=الشـر لازالـه صعيـب ٍ حصـولـه
هذا هو المضمون يـاذرب الخصـال=صاحبك في وقتـه مضيّـع حلولـه

واليكم
رد الشاعر القدير / مضحي بن جمران

يامرحبا ترحيبة ٍ تشـرح البـال=ياشاعـرٍ لاقـال قـولٍ يطـولـه
ياللي على الجزلات مغرم وميـال=مطنوخ راس وطيبٍ فـي ميولـه
مافي صداقة مثلكم هرج وجـدال=ولاهي هروجٍ فالوجيـه معسولـه
ولاربطنها لااجـل نقـد وريـال=ولاهي من اجل المصلحه والعموله
تجري مجاري الدم فالجسم تجتال=وتجولة فالجسم عرضه وطولـه
واستوطنة غصب على كل دجـال=واقفا شبيه بليس تقـرع نعولـه
لو فالبشر مافيه مخطـي وعيـال=ماكان زيرالحرب تضرب طبولـه
ولو البشر ماتعرف القيل والقـال=ماجالهم فالهرج صولـه وجولـه
فالمجتمع مبغض وحاسد وحيـال=ولو عذربو مثلك تـرزه افعولـه
بالك تحط هروج ذولا على البـال=صوت التنك مايجفل إلا الجفولـه
مدام ماهم لاهـل الجـود مدهـال=هداج تيماء فـارقٍ عـن دحولـه
اضرب بهرجتهم ياخالد على الجال=روسٍ بها الشيطان عاثة خيولـه
ولايندم الصابر وقالـو فالامثـال=يظفر ومفتاح الفرج بـه ينولـه

عزيز يا خالد لله درك وصح الله لساانك





وصح الله لسان ابن جمراان



لله دركم

قصائد في قمه التميز




تقبلوا مروري ودمتم بود

صقر المراقيب ومضحي بن جمران
والله ونعم بالاثنين في كل الامور اما الشعر فهاهو الدليل
شعر اسميه ذهب اشكرهما عليه

صح لسانك ياخالد وصح لسان ابو احمد

صحت السنتكم
والله يـعـطـيـكم الـعـافيـــــــــــة
بيض الله وجيهكم

اخوي / عماد القرافي
اشكرك على مرورك
وعلى هذه الاشاده الطيبه
وصح بدنك يابن العم

وانا عدوّي راعـي القيـل والقـال
لاصدّقـوه النـاس فاللـي يقـولـه

صح لسااانك

تحياااتي

اخوي / عماد القراقي
عساك بعز ومعزه دايم الدوم

ابو خالد الفريدي
شكرا على هذه الاشاده
وصح بدنك

ابو خالد الفريدي
شكرا على هذه الاشاده
وصح بدنك