بعد السلام أحلى صباح ( ياحرب )

أبـــومـــديـــده=
سلام مِن قلبـي العاشِـق=اللي تمغرو بُـه الأحبـاب
عيبي لأني مِعُـه صـادق=ألقاه دايم معـي كـذاب ؟
حـــــــــــرب =
ترحيب من جونا الرايـق=ياحـر للطيبـه كـسّـاب
ماانته على ملايم البايـق=مجبور..مادمت فالمرقـاب
أبـــومـــديـــده=
تسلّـل البايـق السـارِق=مع الهوى والهوى غلاّب
وكوّش على الموقِع اللايق=اللي عليه الظلوع حجْـاب
حـــــــــــرب=
طبع الهوى من زمن سابق=مرهب قلوب العباد ارهاب
لاكـن لاتتـرك الخافـق=يصبح ضحيه مع النهـاب
أبـــومـــديـــده=
صدري مِن ملايمُه ضايق=وطرفي يراعيه بالإعجاب
مزيون مغـرور ومنافِـق=خلا عضايا شِلل وأحـزاب
حرب=
اشوف دون الهدف عايق=اللي محسّب عليه حساب
ومادام ماللامـل بـارق=وقتك لايمضي مع اللعاب