ابـــتــهـــالات وذكــــــر .. نـحـيـي بــهــا الـقــلـــــــوب ..

نبدأ بذكر اللي خلقنا وعلّم=وعز بن آدم دون خلقه وكرّم
وعلى رسول الله نصلي نسلم=وعلى الصحابة ومن تبعهم بإحسان
*********=
أما بعد : لمراقبتنا تحيه= منّا جميعاً بالورود الزكية
واهداء عاطرللقلوب النقيّه=نزفها من بال صافي ونشطان
**********=
هيّا نبا تعظيم رب الجلاله=ياحظ منه يذكره في مقاله
والذكر نور يشيل عنك الجهاله=ينفعك عند الله ويزيدك ايمان
**********=
في كك حرف تنال أجر ومثوبه=وتحط عنك السيئه والعقوبه
والخير يبشر من مشى في دروبه =يحبه الرحمن ويسير له شان
**********=
متصفحٍ للعلم فيه الفضيله=فيه المكارم والصفات النبيله
والمرء طبعه ياعرب من خليله =واللي يجالس راعي العلم كسبان
**********=
فكره ثمينه نطالبك تنقليها=في منتدى بوح القلم ثبتيها
الله لعل الناس تدخل عليها=بتشجيعهم تصبح مهمه لها شان