سلام لولا الحيا بدّل ........ إالى همس القوافي

	المشاركة الأصلية كتبت بواسطة همس القوافي

	حفـيـد الحـجـيـري = سلام لـولا الحيـا بـدّل = بآهات فالقلـب مكنونـه يا همس بالله علينا اعجل = صاحبك محتاج لمعونـه هـمــس الـقـوافـي = ترحيب مثل المطر لاهـل = يابادع القـاف ولحونـه وانته اذا ارسلت نستقبل = قلـي وشلـي تحسونـه حفـيـد الحـجـيـري = تبقى و ناصيك ما يخذل = و ليا سألكـم تفيدونـه ورود قلبي بـدت تذبـل = من هجر خله و مضنونه همس القوافي= اخوك من واجبه يبـذل = جهده ويخدمك بعيونـه لكن بلا اسباب ما يحصل = اللي لنا اليوم تشكونـه حفيد الحجيري= ذي هقوتي فيك يوم أسأل = وجهود الأصحاب مضمونه من يمنا الوصل مستكمـل = ومن يمهم مايله غصونـه همس القوافي= مادمت في وصلهم تآمل = اصبر على البعد وغبونه يمكن مساعيـك تتكلـل = وباب المجافا يصكونـه

باب الأمل لو هُو مقفل=وأعتى المتاريس من دونه
ما دام غيره ما لي مدخل=بأصبر لو أعيش مسجونه
وعسا الولي منك يتقبل=وقحط الوصِل تهطل مزونه
ومن حال لا حال يتبدل=حياً له الروح مرهونه

بيض الله وجهك يابن العم و ما قصرت
سعدت وتشرفت بمحاورتك والى لقاء آخر ان شاء الله
وشكرا لجميع من تابع هذا الحوار
لا عدمناكم