يا سلام الله

فـــــــــهــــــــــد الــــســـــلـــــمـــــي =
يـا سـلام الله ع اللـي يـردون السـلام=واحدن بثنين و اثنين يسـوون اربعـه
من يلا عبني يجي هذي ما فيها كلام=ودنـا بالعلـم معنـى مـا نبغـى القربعـه
حــــــــامـــــــــد الــــحــــمــــيـــــدي=
مرحبابـك يافـهـد سوقـهـا يــم الامــام=هات علمك يافهد وانت علمـك نتبعـه
من يلاعبكم شرف مير عجل والهمام=انسخ الموضوع ياصحبـي ثـم اطبعـه
فــــــهــــــدالـــــــســـــــلـــــــمـــــــي=
البـقـاء ياعـزوتـن مـدهـا كـلـه يـسـام=مير لن حطيت علمن لاترجع ترفعـه
اقفل البيبان عن ناس ما تبغى النظام=والمعانـي قودهـا فالبحـر بالاشـرعـه
حـــــامــــــدالــــــحــــــمــــــيــــــدي=
ماعليكـم زود ياعزوتـن مثـل السنـام=مير انا لا جيت ياهيه دربي مرجعـه
ومن بدا ياصاحبي لـه علينـا الهتمـام=ومن بدا بالعلـم واجـب علينـا نسمعـه
فهدالسلمي=
علم اللي فالحرم طاف مايلبس حرام=كـل ماانهـاه عـن علـم غيـري يمنعـه
غاب نجم سهيل يم اليمن والعين شام=مـا بقـى فيكـم ولــد ياجمـاعـه نقنـعـه
حامدالحميدي=
دام طاف ابثوب ياهيه مافيها حرام=وانت يمكن مانصحته بحاجه تنفعه
ويش علم اسهيل والعين قلي ياغلام=وكل واحد عقله افراسه يعرف سنعه
فهدالسلمي=
صح صادق يالحميدي رصاصك فالحزام=ميـر مايلمـس زنــاد السـويـري باصبـعـه
الحروب اصـلا خسـاره تراهـا كـل عـام=فالعـراق و فـي فلسطيـن شـوف المقطعـه