ديوان الشاعر ( حفيد الحجيري )

حفيد الحجيري=
يا هلال هات الخبر يا هلال=وورودها حسب صادرهـا
أقفت ليالي وجـات ليـال=والعين ما كـف عابرهـا
هلال حرب=
دنياك تبغى وسيع البال= ماهي على مانت خابرها
اصبرعساها تيجيب خيال=تسقيك من عذب ماطرها
حفيد الحجيري=
صابر على الصبر لو هو طال=وأبنتظـر وأعـرف آخرهـا
وان كان حظي تردى ومـال=ذخرتهـا عـنـد ذاخـرهـا
هلال حرب=
ياولد عمي تراني ذال =واسرار فالقلب ساترها
تعال قرب لي الفنجال= حـــالتك ودي اباشرهـا
حفيد الحجيري=
يا لال ردد معي يا لال=أحوال ما ودي أذكرهـا
جريت لحن الأسى موال=والنون عافت محاجرها