بعد طول الغياب

بسم الله الرحمن الرحيم
يسعدني العودة لكم مجدداً والمعذرة عن طول الانقطاع وتقبلوا من هذه الابيات
واللي هي عبارة عن رديه بيني وبين هواجيسي الشعريه .. لو انها لم كتمل بالشكل المطلوب لكن حبيت اطرحها عندكم
البدايه كانت عندي واقول فيها :

ياهجوس الشاعر اللي مايحيد اعن الصوابي = حضرً عندي نويت أشب في خشم الفتيله
لك سنه وشوي بالتحضير سجلتي غيابي = وخايفً كثر الغياب يجيب للشاعر فشيله

ردت وقالت :

أبشر أني ماتغيب وأخذ مردود الجوابي = باللوازم ياعضيدي لك نجيب المستحيله
مير صار الشعر في تال الزمن مثل السرابي = وعن كثير الشعر بالميدان يكفيني قليله

قلت :

يوم كلً متعبً خيله وأنا متعب ركابي = يشهد الله ماركبنا غير في ظهر الأصيله
والهزيله من نظمها مانظم غير الهبابي = لو تلمع بالذهب تبقى ماعنيها هزيله

قالت :

كم ضعيفً لو نظم بيتين عداها السحابي = وأن ركب فوق الكديش يقول خيال الكحيله
والجزيله من نظمها مايلام ولايعابي = مانلوم إلا ضعيفً يحسب الهزله جزيله

قلت :

دام كلً فاتحً للشعر والشعار بابي = المجله والجريده والقناة أفضل وسيله
من يبي للجاه جاب ومن يبي للمال جابي = والمصالح من بغاها لازمً يحزم شليله

قالت :

من فتح بابه بمصراعيه يبشر بالخرابي = (ماخبرنا الهرج طول لحيةً ماهي طويله)*
قالها سبيل وقتً فات يوم القول طابي = عزتي لي من زمنكم كان ماجبتوا مثيله

قلت :

ياهجوسي لاتزيدين المواجع والعذابي = لاتعيدين القديم اللي تقفى خلف جيله
الزمن هذا زمان العولمه والانقلابي = الغشيم يدل فيه وينجم راس الدليله

وسلامتكم
* بخصوص هذا البيت مقتبس من بيت سبيل بن سند رحمة الله عليه يوم يقول :

السوالف ياولد عيب وسماجه = ماتطول لحية ً ماهي طويله

والجزيله من نظمهـا مايـلام ولايعابـي مانلوم إلا ضعيفً يحسب الهزله جزيلـه


عبدالله السليمي صح السان هواجيسك

وصح السانك فتل ونقض

شاعر متمكن حياك ونتطلع


لجديدك

وانت سالم وغانم

وعودة حميدة

ياهلا وغلا فيك شاعرنا القدير والعزيز عبدالله السليمي وصح لسانك على المداعبه مع الهاجس

شي جميل هذا نعتبره تحديث على شان ركود الافكار شاعر متمكن ورائع

يشرفني اني استمتع بهذا المتصفح الرائع بروعة صاحبه

ادام الله لك الصحة والعافيه

تقبل تقديري واحترامي

لاهنتم وصح الله السنتكم



تقبلو التقدير والاحترام



وفقكم الله

صحت السنتكم
والله يعطيكم العافيه
بيض الله وجيهكم

مرحبا يالسليمي وشاعر متمكن وعوده حميده
صح الله لسانك .. نطمع بمزيدك

صح لسانك ودام بيانك
ابداع وتمكن
سعت كثيرا بمروري

	المشاركة الأصلية كتبت بواسطة عبدالله السليمي

	بسم الله الرحمن الرحيم يسعدني العودة لكم مجدداً والمعذرة عن طول الانقطاع وتقبلوا من هذه الابيات واللي هي عبارة عن رديه بيني وبين هواجيسي الشعريه .. لو انها لم كتمل بالشكل المطلوب لكن حبيت اطرحها عندكم البدايه كانت عندي واقول فيها : ياهجوس الشاعر اللي مايحيد اعن الصوابي = حضرً عندي نويت أشب في خشم الفتيله لك سنه وشوي بالتحضير سجلتي غيابي = وخايفً كثر الغياب يجيب للشاعر فشيله ردت وقالت : أبشر أني ماتغيب وأخذ مردود الجوابي = باللوازم ياعضيدي لك نجيب المستحيله مير صار الشعر في تال الزمن مثل السرابي = وعن كثير الشعر بالميدان يكفيني قليله قلت : يوم كلً متعبً خيله وأنا متعب ركابي = يشهد الله ماركبنا غير في ظهر الأصيله والهزيله من نظمها مانظم غير الهبابي = لو تلمع بالذهب تبقى ماعنيها هزيله قالت : كم ضعيفً لو نظم بيتين عداها السحابي = وأن ركب فوق الكديش يقول خيال الكحيله والجزيله من نظمها مايلام ولايعابي = مانلوم إلا ضعيفً يحسب الهزله جزيله قلت : دام كلً فاتحً للشعر والشعار بابي = المجله والجريده والقناة أفضل وسيله من يبي للجاه جاب ومن يبي للمال جابي = والمصالح من بغاها لازمً يحزم شليله قالت : من فتح بابه بمصراعيه يبشر بالخرابي = (ماخبرنا الهرج طول لحيةً ماهي طويله)* قالها سبيل وقتً فات يوم القول طابي = عزتي لي من زمنكم كان ماجبتوا مثيله قلت : ياهجوسي لاتزيدين المواجع والعذابي = لاتعيدين القديم اللي تقفى خلف جيله الزمن هذا زمان العولمه والانقلابي = الغشيم يدل فيه وينجم راس الدليله وسلامتكم * بخصوص هذا البيت مقتبس من بيت سبيل بن سند رحمة الله عليه يوم يقول : السوالف ياولد عيب وسماجه = ماتطول لحية ً ماهي طويله

صح الله لسانك ولسان هواجيسك الرائعه ولاتغيب الا تجيب الله يحييك ونور الملتقى بهذا الحضور النير لشخصك العزيز والغالي سلمت ودمت ياشاعرنا الجزل عبدالله السليمي ولانعدم تواجدك

مير صار الشعر في تال الزمن مثل السرابي=وعن كثير الشعر بالميدان يكفينـي قليلـه

بيت في قمة الروعة

صح لسانك يالسليمي

شاعر ولا فيك قصور وجزل ومتمرس وداهيه

وانت سالم وغانم

وعودة حميدة