قصيدة منور المعمري ومجارات سليم الجابري لها

هذه الدره الثمينه من الشاعر القدير شاعر القلطه وشاعر النظم المعروف منور بن فضي
المعمري الحربي

الشعر ماهو شخمطه فوق الاوراق = ياللي تقول الشعر زلة طراته
لساع مازلة طراته وهو باق = لصحابه الشعار فيه التفاته
والشعر فن وذوق وابداع واخلاق =ماكل شاعر يملك مواصفاته
والشعر هيض وغيض وازعاج وارهاق = ومن لايجيده ضاع بمهاتراته
جزله يبل كبود وينشف ارياق = وهداج تيما يعتبر من صفاته
وهزله يحطك في متاهات واغراق =وممكن يعرضك الزراء والشماته
لولا المجامل بعض شعارنا ضاق = اللي جلس لين أخر الركب فاته
للشعر نقاده وللشعر عشاق = والنقد من ناقد يزود حلاته
ولاكل شاعر يضبط القاف لاراق =تلقى الخلل واضح على مفرداته
المفردات اللي تجي جمع وافراق = يبغالها توظيف بالشعر ذاته
وليا صفا ذوقه على كل الاذواق =هانت على طلابته معجزاته
ولاهو بسلعه دارجه بين الاسواق = كل(ن) يروج وسطها منتجاته
يحذف ثلثين القصيده لياراق =باحلاء قصيده قالها في حياته

الشاعر منور بن فضي المعمري الحربي
وهذه مجاراتي لها لعل تنال استحسانكم واستحسان اخي القدير الشاعر منور بن فضي

والله ماهو لامجامل ولانفاق = منور قليل اللي يسوي سواته
جاب الكلام اللي له الرجل يشتاق = محلله منور فضي بالتفاته
لولو ثمين ومصدره جوف الاعماق = ابحرلها حتى تهئية وجاته
تقدح بيوته كنها قدح براق =مصدارها قلبه ومنطق شفاته
يطربلها اللي للجزيلات ذواق =يسوقها سوق العسيف بعصاته
الشعر جزله جزل وادقاقه ادقاق = الجزل يبقى محتفض في بهاته
ولا الردي ماله من الناس مشتاق =راعيه ودك يلحفه في عباته
ودك تحذفه حذف مع كل مسباق = وتنهيه مع راعيه حزة وفاته
الشعر ماهو قصة (ن) عند حلاق= الشعر ديوان العرب من سماته
الشعر بحر ويغرق الشاعر اغراق = احد(ن) كسب سيات واحد احسناته
وانته تنقى اللي كما ضوء الاشراق =جزله وحلوه تقل سكر نباته
كم رجل والله للجزيلات مشفاق = ولك صاحب(ن) جزل القصائد هواته

اخوكم الشاعر سليم بن سعود الجابري

صحت السنة شعار القصيدتين

بصراحه كلها رائعه

الشاعر سليم الجابري صح لسانك وبارك الله فيك

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة سليم الجابري

	هذه الدره الثمينه من الشاعر القدير شاعر القلطه وشاعر النظم المعروف منور بن فضي المعمري الحربي الشعر ماهو شخمطه فوق الاوراق = ياللي تقول الشعر زلة طراته لساع مازلة طراته وهو باق = لصحابه الشعار فيه التفاته والشعر فن وذوق وابداع واخلاق =ماكل شاعر يملك مواصفاته والشعر هيض وغيض وازعاج وارهاق = ومن لايجيده ضاع بمهاتراته جزله يبل كبود وينشف ارياق = وهداج تيما يعتبر من صفاته وهزله يحطك في متاهات واغراق =وممكن يعرضك الزراء والشماته لولا المجامل بعض شعارنا ضاق = اللي جلس لين أخر الركب فاته للشعر نقاده وللشعر عشاق = والنقد من ناقد يزود حلاته ولاكل شاعر يضبط القاف لاراق =تلقى الخلل واضح على مفرداته المفردات اللي تجي جمع وافراق = يبغالها توظيف بالشعر ذاته وليا صفا ذوقه على كل الاذواق =هانت على طلابته معجزاته ولاهو بسلعه دارجه بين الاسواق = كل(ن) يروج وسطها منتجاته يحذف ثلثين القصيده لياراق =باحلاء قصيده قالها في حياته الشاعر منور بن فضي المعمري الحربي وهذه مجاراتي لها لعل تنال استحسانكم واستحسان اخي القدير الشاعر منور بن فضي والله ماهو لامجامل ولانفاق = منور قليل اللي يسوي سواته جاب الكلام اللي الرجل يشتاق = محلله منور فضي بالتفاته لولو ثمين ومصدره جوف الاعماق = ابحرلها حتى تهئية وجاته تقدح بيوته كنها قدح براق =مصدارها قلبه ومنطق شفاته يطربلها اللي للجزيلات ذواق =يسوقها سوق العسيف بعصاته الشعر جزله جزل وادقاقه ادقاق = الجزل يبقى محتفض في بهاته ولا الردي ماله من الناس مشتاق =راعيه ودك يلحفه في عباته ودك تحذفه حذف مع كل مسباق = وتنهيه مع راعيه حزة وفاته الشعر ماهو قصة (ن) عند حلاق= الشعر ديوان العرب من سماته الشعر بحر ويغرق الشاعر اغراق = احد(ن) كسب سيات واحد احسناته وانته تنقى اللي كما ضوء الاشراق =جزله وحلوه تقل سكر نباته كم رجل والله للجزيلات مشفاق = ولك صاحب(ن) جزل القصائد هواته اخوكم الشاعر سليم بن سعود الجابري

صحت السنتكم الجميع بدع ورد رائعيين من شاعرنا العلم منور بن فضي المعمري وشاعرنا المبدع سليم بن سعود الجابري لله دركم وبيض الله وجبهكم ولانعدم تواجدكم سلمتم ودمتم

يحـذف ثلثيـن القصيـده لـيـاراق
باحـلاء قصيـده قالهـا فـي حياتـه

صح لسان منور المعمري

وصح لسانك ياسليم

صح لسانك ياسليم الجابري وتسلم يمنك على المجاراه الجزله

وصح لسان ابوياسر

صوت وصدى ولا اروع

صح لسان الشاعر الكبير/ منور المعمري
و صح لسانك ياابو سعود
شعراء كبار و نفتخر بكم
بانتظار جديدكم

صح لسانك ياسليم الجابري وتسلم يمنك على المجاراه الجزله

اشكركم اخواني على مروركم وايشادتكم بارك الله فيكم

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\