احسن نواكب موكب المستحيني ردي على الشاعر سعد المحمدي

السلام عليكم ورحمة الله وبركاته
الشاعر الكبير سعد المحمدي طرح قصيده موجهه لي وتشرفت با الرد عليه واعتذر من القصور واتمنى مع ابو تركي الجماله
ابو تركي يقول

ذكرتني ياسيد الطيبيني=ياسيفي اللي يقطع الراس حده
خليت تبكي تالي الليل عيني=ماهو غلا دنيا والاهو موده
تبكي على ربع ٍ لنا راحليني=لو مالحيا ثوبي عليهم لاقده
ياخالد الحصني على الاوليني=صاحبك دمعه منتثر فوق خده
لاجيت اقارنهم مع الحاضريني=الفرق واضح دون ضمه وشده
سبيل من مثله من العايشيني=قليل منا من يسد ام سده
علي لو يزعل حدا الوالديني=هذا الصحيح اللي لزوم ٍ نعده
وهواش في قالات ربعه يبيني=شوحه بعيد وما يعرط ابده
مايقبل العوجا علي الاقربيني= وان شاف منهم عوج تكفيه صده
يبغى تموت بغيضها الحاقديني=سيفه ماعمره بالموالين رده
والياضرب ضربه يقص الوتيني=لاقص عظم ٍ فيه كنه يحده
من العداء حصل تله شاهديني=رغم العداوه له قبول وموده
هذا نموذج ساحة الطيبيني =يوم ان للمعنى طراوه وجده
ادناهم اللي في كلامه رزيني=راجح عقل ماكل قاله تهده
واليوم عكس الامس يالعارفيني=كل عطا مع سهلةٍ مجرهده
ياذا الزمن كثرو بك الخارجيني=مصنفين من المسام الاشده
كلن على الشاشه يحاول يبيني=حتى على الادنا لسانه يمده
يفكر انه جاب راس الخميني=احلوم م ليل ً فوق فرش ومخده
درب السنع ياجاهلينه يميني=واللي بناله صرح وشبه يهده
عبر الصحافه للمشاكل عويني=على طريقه شاله كم قده
الواجب انه بالمواقف ذهيني=لاجاه علم ٍ غير لايق يلده
بعيد والا من قريب ٍ دويني=جسر المشاكل مايحاول يمده
عندي إحساس وفي بعض اليقيني=انه يجي للعلم رجال قده
لاكبرة القالات دايم يبيني=وقت الرخى والا بالايام شده
رجال به نخوه وشيمه وديني=ابوه كد وصاه بالطيب جده
الباب خليته على المصرعيني=قدام لايصل المرض كل غده

وهذا ردي على ابو تركي اتمنى ان يحوز على رضاه ورضا الاخوان عموما

يا مرحبا في طرق قاف ثميني = قاف بديت امرحبا في مرده
من شاعر ما يذبح الا سميني = يعد ني سيف وانا درع اعده
من جوهر المنطوق صلب ومتيني = ضد الدروع اليا تصدى يصده
ما تنتفطن يا سعد يا فطيني = لا شك علم خايف منه بده
ما لوم عينك لو بكت ميتيني = من شوف ناس بناسها مستبده
تبكي ثنين وغابنينك ثنيني = والفرق مثل طويق عن سيف جده
جبت الجدي وسهيل وتويبعيني = والعود الازرق ما يقارا بنده
حزنتني في ذا المثال الحزيني = حيرتني مابين مزحه وجده
وضرب المثال احيان يحتاج سيني = حتى توافق سيرته مع مشده
ساعة لقيته غير عاده بديني = لقيت مفتاح النبا مع معده
ذكرة نهج السلافنا السابقيني = وادركة فرق الند عن طبع نده
سميت خوف اصحي النايميني = وتنجح عيال ابليس فيما توده
ما غاضني يومنهم جاهليني = نوب الجهل في صالحك لا تضده
يعمي عيون مشفح المنتديني = ولوا الهدف قدام ماهي بقده
عطرتني في سيرة السالفيني = والفرق بين الامس واليوم مده
على الوفا والعز متضامنيني = ويوقفون المنتحي عند حده
لحقوا وحنا بعدهم لاحقيني = ومن عاش با الدنيا تقفاه شده
امين با الجنه مع الخالديني = في جاه من با الوحي ربه يمده
اما المعان الي لقاله معيني = ما يحتمل ياقاوع العلم لده
والي بجور الذنب متعادليني = كل على الثاني نضخ ما بعده
احسن نواكب موكب المستحيني = من قبل يغرق باني السد سده
والخير واجد لكن الغانميني = ماهم لحب اخشومهم مستعده
طرقة باب قلت ابيه يهديني = ولقيت خلف الباب سايق معده
قلت الوشاح وقال طالع يديني = يا حيت رقطا تطوى بيده
الحل ياراع المقام الحسيني = ان كان ما عشية ابو زيد غده
ثم ذكره في ماضيات السنيني = وان كانه غضبان با الحال هده
وتقيا المفوه حكمة التابعيني = والطيب ما يستاهله من يرده

شعراا كباراهل جزلة طرحتم موضوع ذكرتونا فيه وفاء ورجولة وحمية واستقامة الاولين
اخواني بيض الله وجيهكم
تقبلوا تحياتي

صحت السنتكم جميع

صح السانك يابو موسى وبيض الله وجهك
وافي ماقصرت طلبت منك ابردي على قصيدت
اخي وعزيزي ابو تركي انك اتجاريها وفعلت ووفيت
بالرد الممتاز والجزل ولا يستغرب عليك الرد الجزل لانك انت من اهل الجزاله
انت والسامع والقاري اسئل الله ان يصلح الشان
اشكرك انت وبو تركي تقبلا تحياتي

الله يصلح حال الامه ويرفع شانها ويكبت حاسدها

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم
والله يـعـطـيـكم الـعـافيـــــــــــة
بيض الله وجيهكم
على القصيده والرد

صحت السنتكم جميع
وبيض الله وجيهكم

الله اكير يا فحول الشعر



سعد المحمدي و خالد الحصني




مساجله قمة القوه والمعنى والجزاله


صحة السنتكم ولي عوده على رواق لهذه المساجله التي تعتبر محاضره

	المشاركة الأصلية كتبت بواسطة خالد الحصني

	السلام عليكم ورحمة الله وبركاته الشاعر الكبير سعد المحمدي طرح قصيده موجهه لي وتشرفت با الرد عليه واعتذر من القصور واتمنى مع ابو تركي الجماله ابو تركي يقول ذكرتني ياسيد الطيبيني=ياسيفي اللي يقطع الراس حده خليت تبكي تالي الليل عيني=ماهو غلا دنيا والاهو موده تبكي على ربع ٍ لنا راحليني=لو مالحيا ثوبي عليهم لاقده ياخالد الحصني على الاوليني=صاحبك دمعه منتثر فوق خده لاجيت اقارنهم مع الحاضريني=الفرق واضح دون ضمه وشده سبيل من مثله من العايشيني=قليل منا من يسد ام سده علي لو يزعل حدا الوالديني=هذا الصحيح اللي لزوم ٍ نعده وهواش في قالات ربعه يبيني=شوحه بعيد وما يعرط ابده مايقبل العوجا علي الاقربيني= وان شاف منهم عوج تكفيه صده يبغى تموت بغيضها الحاقديني=سيفه ماعمره بالموالين رده والياضرب ضربه يقص الوتيني=لاقص عظم ٍ فيه كنه يحده من العداء حصل تله شاهديني=رغم العداوه له قبول وموده هذا نموذج ساحة الطيبيني =يوم ان للمعنى طراوه وجده ادناهم اللي في كلامه رزيني=راجح عقل ماكل قاله تهده واليوم عكس الامس يالعارفيني=كل عطا مع سهلةٍ مجرهده ياذا الزمن كثرو بك الخارجيني=مصنفين من المسام الاشده كلن على الشاشه يحاول يبيني=حتى على الادنا لسانه يمده يفكر انه جاب راس الخميني=احلوم م ليل ً فوق فرش ومخده درب السنع ياجاهلينه يميني=واللي بناله صرح وشبه يهده عبر الصحافه للمشاكل عويني=على طريقه شاله كم قده الواجب انه بالمواقف ذهيني=لاجاه علم ٍ غير لايق يلده بعيد والا من قريب ٍ دويني=جسر المشاكل مايحاول يمده عندي إحساس وفي بعض اليقيني=انه يجي للعلم رجال قده لاكبرة القالات دايم يبيني=وقت الرخى والا بالايام شده رجال به نخوه وشيمه وديني=ابوه كد وصاه بالطيب جده الباب خليته على المصرعيني=قدام لايصل المرض كل غده وهذا ردي على ابو تركي اتمنى ان يحوز على رضاه ورضا الاخوان عموما يا مرحبا في طرق قاف ثميني = قاف بديت امرحبا في مرده من شاعر ما يذبح الا سميني = يعد ني سيف وانا درع اعده من جوهر المنطوق صلب ومتيني = ضد الدروع اليا تصدى يصده ما تنتفطن يا سعد يا فطيني = لا شك علم خايف منه بده ما لوم عينك لو بكت ميتيني = من شوف ناس بناسها مستبده تبكي ثنين وغابنينك ثنيني = والفرق مثل طويق عن سيف جده جبت الجدي وسهيل وتويبعيني = والعود الازرق ما يقارا بنده حزنتني في ذا المثال الحزيني = حيرتني مابين مزحه وجده وضرب المثال احيان يحتاج سيني = حتى توافق سيرته مع مشده ساعة لقيته غير عاده بديني = لقيت مفتاح النبا مع معده ذكرة نهج السلافنا السابقيني = وادركة فرق الند عن طبع نده سميت خوف اصحي النايميني = وتنجح عيال ابليس فيما توده ما غاضني يومنهم جاهليني = نوب الجهل في صالحك لا تضده يعمي عيون مشفح المنتديني = ولوا الهدف قدام ماهي بقده عطرتني في سيرة السالفيني = والفرق بين الامس واليوم مده على الوفا والعز متضامنيني = ويوقفون المنتحي عند حده لحقوا وحنا بعدهم لاحقيني = ومن عاش با الدنيا تقفاه شده امين با الجنه مع الخالديني = في جاه من با الوحي ربه يمده اما المعان الي لقاله معيني = ما يحتمل ياقاوع العلم لده والي بجور الذنب متعادليني = كل على الثاني نضخ ما بعده احسن نواكب موكب المستحيني = من قبل يغرق باني السد سده والخير واجد لكن الغانميني = ماهم لحب اخشومهم مستعده طرقة باب قلت ابيه يهديني = ولقيت خلف الباب سايق معده قلت الوشاح وقال طالع يديني = يا حيت رقطا تطوى بيده الحل ياراع المقام الحسيني = ان كان ما عشية ابو زيد غده ثم ذكره في ماضيات السنيني = وان كانه غضبان با الحال هده وتقيا المفوه حكمة التابعيني = والطيب ما يستاهله من يرده

صحة السنتكم شعراء بمعنى الكلمه


مساجلة شعراء كبار كنت احاول قرائتها الا انني قد حصلي تحذير مسبق عن الخوض والتكهن في معاني قصائد سعد المحمدي وخالد الحصني