غريب الاسم وش الاسم جعله طيبٍ فالك

والله انا ما اقول الا الصراحه
هذي من افضل المحاورات اللي بالمنتدى
صراحه مالقيت عليها مدخال لو حاولت
الله يبيض وجيهكم واتمنى اقابلكم في وقت لاحق انشا الله

صح الله بدنك يابو عويض وتشرفنا بهذا المرور النير لشخصك الغالي لاهنت

اعرفك والسنع دايم تجينا حادرٍ واديه=واذا طولت في طبعك كذيا تعتبر هالك
لا و الله والمريض اللي سواتك خالقه يشفيه=تراء مفروض ياوجعان عنا تعزل لحالك

لاتباهزني الله يباهز عدوك اعدل المشاركات واحضر الصفوف لردك وسع صدرك يامصيبه يالقروني فكني من هالاكله

لا بالله صار مشيك يابن عمي فيه مالافيه=وش اللي يقحمه بالملعبه ماتطلع اشوالك
اطالع في سنام شعيل وانت تطالع برجليه=ياليتك في السنام تمد عينك وافق جمالك

شهادة حق ابديها خويي تزعله ترضيه=ولا منك زعلت من الحقيقه راجع افعالك
تبعد عن شعيل احرص ينوشك في خفوف ايديه=يابو نيه وسط طعني تسنع واحسن اعمالك

علق المنتدى وش المشكله

مضحي بن جمران شرفني اللعب معك وانا اخوك وابد البساط احمدي لاهنت صح لسانك ,,ولاهنت يااخوي القرون
وتصبحون على الف خير وزاعذرونا على القصور

	المشاركة الأصلية كتبت بواسطة المخلفيي

	مضحي بن جمران شرفني اللعب معك وانا اخوك وابد البساط احمدي لاهنت صح لسانك ,,ولاهنت يااخوي القرون وتصبحون على الف خير وزاعذرونا على القصور

الله لايهينك ومجارات شاعر بحجمك يالمخلفيي مكسب لي ومهما نقول القلوب بيض دون شك وهذي حلات اللعب والله بيض وجهك شرفتني بهذه المجاراه ولاقصرت وانا استبيحك العذر عن كل كبيره وصغيره وتصبح على خير
انت وكل المتابعيين الاعزاء

	المشاركة الأصلية كتبت بواسطة ابراهيم القرون

	والله انا ما اقول الا الصراحه هذي من افضل المحاورات اللي بالمنتدى صراحه مالقيت عليها مدخال لو حاولت الله يبيض وجيهكم واتمنى اقابلكم في وقت لاحق انشا الله

لاهنت وشهاده نعتز بها الله يبيض وجهك يابن العم العزيز سلمت ودمت