وجرّ الزفير اللي ا يّشيب من اوحاه

بسم الكريم اللي عليه اتكالي =علاّم مايبديه قلبي ومخفاه
الواحد المعبود منشي الخيالي = رب حما محمد وبو بكر بحماه
ومن بعد ذكره قوم يغلا ا اعيالي = اكتب كلامن صاغه ابوك وملاه
اكتب على بيض الورق مطرالي = وحرص على خطه ونا بوك ورعاه
البارحه دمعي على الخد سالي = هلن اعيوني دمعهن مقدّر انهاه
ماهو سبب غرون زهى باالجمالي = غرون جماله يبهر اللي تحلاه
ولاهو سبب من قل حالن ومالي = الحمد الله واجدن ما تمناه
اسباب مابي ياعريب الخوالي = الموقف اللي يارجاء ماّقدر انساه
هكالنهار الله ايجيرك اقبالي = قدم الطواري شفت لي عود ونثاه
حذفهم السواق وقفى ايلالي= ينفخ وكنه حاذفن له ولد شاه
اكبارسن وضعهم ياحلالي = يدمّي القلوب ومن نظرهم يقول اه
وفزيت انا ويا اقروم الرجالي = كلن نطحهم يرتجي عفو مولاه
ومسكت يمنا العود هي والشمالي = ومشيتبه ونثاه خلفه وتتلاه
وجلستبه عند الطبيب الموالي = وقال انتبه لبوك وقفى وخلاه
ومن كلمته هلت ادموعه عدالي = وجرّ الزفير اللي ا يّشيب من اوحاه
وعرفت سر العود مابه جدالي = انه ايعاني من عقوقن من ابناه
وناظرت واليا انثاه يابو طلالي = تصفق ابراحه فوق راحه وتنعاه
وتدعي عليهم علهم للزوالي = والعود معهايرفع ايديه بدعاه
ورتعت منهم يكرام السبالي = قلبي من ادعاهم تمزع من اقصاه
قلت اصبرو ودعو عزيز الجلالي = يهديهم اللي ماخسر من ترجاه
ومن عقبهم ونا سهير اليالي = بس اتخيّل وظعهم والمعاناه
ويالله يامعبود ياذا الكمالي = يا حي ياقيوم يامخزي اعداه
اصلح لنا نياتنا والعيالي = امين يامن مالنا غيره ايلاه

صح السانك وسلم بيانك

ولاحول ولاقوة الا با الله
اللهم ارزقنا بر والدينا
وعافهم واعف عنهم

	المشاركة الأصلية كتبت بواسطة سعد رجاء الحصني

	بسم الكريم اللي عليه اتكالي =علاّم مايبديه قلبي ومخفاه الواحد المعبود منشي الخيالي = رب حما محمد وبو بكر بحماه ومن بعد ذكره قوم يغلا ا اعيالي = اكتب كلامن صاغه ابوك وملاه اكتب على بيض الورق مطرالي = وحرص على خطه ونا بوك ورعاه البارحه دمعي على الخد سالي = هلن اعيوني دمعهن مقدّر انهاه ماهو سبب غرون زهى باالجمالي = غرون جماله يبهر اللي تحلاه ولاهو سبب من قل حالن ومالي = الحمد الله واجدن ما تمناه اسباب مابي ياعريب الخوالي = الموقف اللي يارجاء ماّقدر انساه هكالنهار الله ايجيرك اقبالي = قدم الطواري شفت لي عود ونثاه حذفهم السواق وقفى ايلالي= ينفخ وكنه حاذفن له ولد شاه اكبارسن وضعهم ياحلالي = يدمّي القلوب ومن نظرهم يقول اه وفزيت انا ويا اقروم الرجالي = كلن نطحهم يرتجي عفو مولاه ومسكت يمنا العود هي والشمالي = ومشيتبه ونثاه خلفه وتتلاه وجلستبه عند الطبيب الموالي = وقال انتبه لبوك وقفى وخلاه ومن كلمته هلت ادموعه عدالي = وجرّ الزفير اللي ا يّشيب من اوحاه وعرفت سر العود مابه جدالي = انه ايعاني من عقوقن من ابناه وناظرت واليا انثاه يابو طلالي = تصفق ابراحه فوق راحه وتنعاه وتدعي عليهم علهم للزوالي = والعود معهايرفع ايديه بدعاه ورتعت منهم يكرام السبالي = قلبي من ادعاهم تمزع من اقصاه قلت اصبرو ودعو عزيز الجلالي = يهديهم اللي ماخسر من ترجاه ومن عقبهم ونا سهير اليالي = بس اتخيّل وظعهم والمعاناه ويالله يامعبود ياذا الكمالي = يا حي ياقيوم يامخزي اعداه اصلح لنا نياتنا والعيالي = امين يامن مالنا غيره ايلاه

اصلح لنا نياتنا والعيالي = امين يامن مالنا غيره ايلاه

آمين يابو رجا

صح لسانك على هذه الدرة التي تُجسد واقع مجتمعنا اليوم إلا من رحم ربي

قصيدة توزن بماء الذهب

تستحق خمسة نجوم ذهبية مع التميز ولا توفيها

بيض الله وجهك

صح لسانك يابو مشاري وانت تكلمت عن واقع مشاهد بالاعيان لكن نطلب من الله الهدايه للجميع وان يصلح لنا ولكم ماعطا قصيده في محلها يابومشاري وموثره

	المشاركة الأصلية كتبت بواسطة الكحيلة

	صح السانك وسلم بيانك ولاحول ولاقوة الا با الله اللهم ارزقنا بر والدينا وعافهم واعف عنهم

صح بدنك ياكحيلة حرب
واسئل الله ان يقبل دعائك

	المشاركة الأصلية كتبت بواسطة بخيتان البشري

	اصلح لنا نياتنا والعيالي = امين يامن مالنا غيره ايلاه آمين يابو رجا صح لسانك على هذه الدرة التي تُجسد واقع مجتمعنا اليوم إلا من رحم ربي قصيدة توزن بماء الذهب تستحق خمسة نجوم ذهبية مع التميز ولا توفيها بيض الله وجهك

صح بدنك يابن العم وبيض الله وجهك
اشكرك كل الشكر على ثنائك الذي يزيدني شرف
واعتبرثنائك شهاده من شاعر علم وله وزنه بالشعر ومن عمالقة الشعراء
ومن من تفتخر بهم القبيله ومن دروعها المعروفين
اكرر شكري لك يابن العم تقبل مني كل احترام وتقدير

	المشاركة الأصلية كتبت بواسطة ابوهليل

	صح لسانك يابو مشاري وانت تكلمت عن واقع مشاهد بالاعيان لكن نطلب من الله الهدايه للجميع وان يصلح لنا ولكم ماعطا قصيده في محلها يابومشاري وموثره

صح بدنك يابو هليل وبيض الله وجهك وشكرك على ثنائك على القصيده
تقبل مني كل احترام وتقدير

صح لسانك
..
..
أسجل اعجابي بالقصيدة
..
ويعطيك العافيه ..

صح لسانك يابو مشاري على هذه الجزله
وماذكرته واقع مشاهد بالاعيان لكن نطلب من الله الهدايه للجميع
وان يصلح لنا ولكم ماعطا000 قصيده في محلها يابومشاري
وماقلت الا الصحيح
تسلم مليون ولا تسدك بيض الله وجهك

اصلح لنا نياتنا والعيالي = امين يامن مالنا غيره ايلاه

آمين يابو رجا