الالوان تشكي من جفى ريشة الرسام=جميع المعالم جاير الوقت ماحيها

لو إن العقال يحس في شرهة البسـام
ماضاعات حقوق وصفقة ناس بيديهـا
دروب الندم في شوكها تحفـي الاقـدام
متاهات ياما ضيقـت صـدر ماشيهـا
تعبت اسرج خيول الرجاء وارفع الاعلام
افل الشراع وعاتـي الريـح تطويهـا
اورد مشاريهي وترجـع علـي حيـام
ياشين الجروح اليـا تعثـر مداويهـا
حروف الهجاء لو قدرت تحطم الارقـام
لقيت الجُمَـل محتفظـةٍ فـي معانيهـا
الالوان تشكي من جفى ريشة الرسـام
جميع المعالم جايـر الوقـت ماحيهـا
وش اللي تركه الوقت ياعالم الاهـرام
بقايـا عـروشٍ كلهـا رايحـه فيهـا
زمانٍ ترك من قسوته كل شيء حطـام
بطش بأهل الهقوات وأخلف هقاويهـا


نعم صح السانك

مليون صح السانك


على الابداع بتصوير والتشبيه


البليغ سجل اعجابي