هذا الكلام

	المشاركة الأصلية كتبت بواسطة علي الحصني

	يا استاذ درسك لو يابا يفيد فـادك =وشفناك تنقل في يمينك شهادتـك أن كان عندك ملح خلـه لـزادك =واحفظ دروسك كلها في حقيبتك أعرف مرادي وأنت تعرف مرادك =قدام تنظر مشيتي شوف مشيتـك جاهدت وقتي ماحسبت لجهـادك =أرفع علمك اللي به شعار دولتـك درست وانته بـاقيً فـي مهـادك =تجـاربٍ مـرت عليـه وفاتتـك الوقـت لونـه يبيـض سـوادك =عرف ميقافـك وثبـت خطوتـك برد مادام أنـك بحـزت بـرادك =منته بسائق ناقـةٍ غيـر ناقتـك وإن ضاع من بين الأشدة شدادك =لاتعتزي بشـداد جـدك وجدتـك دقق وسدد قبـل تظغـط زنـادك =وأن طاح نيشانك تسجل علامتك ثم أدخل المضمار واشعب جوادك =أما تحـدى النـاس والا تحدتـك هـذا الكـلام ولايطـول عنـادك =وسلامة اللي يسمعون وسلامتـك

ــــــــــ
رائعه من شاعر علم من رواد الشعر
تشكر ياطيب الفال والاقوال الله يعزك