من الشبرمية 000 ياحرب ياحرابت القوم الابطال000

	المشاركة الأصلية كتبت بواسطة عبدالله عتيق الحنيني

	هلا ومرحبا يا الشبرميه وتقبلي هذا الرد المتواضع يامرحبا بلي لفت واول الفال=امصافحتها للخوال اتهامي والعلم له وجه وله اقفاي وقبال=يابنت قومن يحتمون الجهامي مافيه عقده مالها راس حلال=انكان ماهو راس فكري ابهامي نفتل وننقض فتل من كان فتال=ونحسب احساب العاقبه والملامي ونفند الحجه من الميم ودال=ولكل نيشان من الناس رامي حرب العزيزه للمسمين مدهال=احفاد من صلى وتصدق وصامي ميزانهم دايم على الحق ما مال=وليا تعزوو ياردن الضوامي تاريخهم وافي على مر الاجيال=بفعولهم سولف جنوبي وشامي يا الشبرميه كان لك ربع مثقال=عليك تحديد الهدف والا اسامي ونكان ما للهرج هرجه وتفصال=امشي بحسب المتبع والنظامي وربعك وربعي قدرهم حي لازال=وشكري وتقديري ووافرسلامي

الأخ العزيز \\ عبدالله بن عتيق الحنيني
.
هلابك أكثر
وصح لسانك
وأتمنى تقبل هذا الرد

أهلا هلا بك عد من صال وإجتال = يالشاعر البيطار وإمسك سلامي
يأبن القروم اللي حمت كل نزال = حرب(ن) هلا العليا بوقت الزحامي
خوالي اللي بالرخى حالهم حال = ووقت الشدايد خصمهم مايلامي
تاريخهم مافيه قيل(ن) ولا قال = وماجيت أشكك بالخوال بكلامي
وماجيت أنا لك بإتهامي ولا أختال = ولا أعم أنا بهرجي رجال(ن) حشامي
ولا جيت أشب الفتنه اللي بتنقال = هرجي صحيح(ن) والشواهد خصامي
موقف حصلي والمواقف لها رجال = وأنا سلاحي بالمواقف كلامي
المشكله لاصار خصمي به هبال = وعوُد(ن) كبير(ن) قال بيته ونامي
سني صغير وتجرحن كلمة أطفال = وشلون هرج الظلم يأبن الكرامي
الظلم هد أشناب وذوب له جبال = يالله دخيلك عن حدود الحرامي
وهذا سلامي وصلوا كل خيال = ولم الحنيني ومعْهِ روس العمامي