بين البيضاني والرمالي (سلام ياشاعر اهالي جبة)

السلام عليكم ورحمة الله


هذه محاورة بين الشاعرين محمد بن سعود البيضاني ونابي الرمالي الشمري، جرت بتاريخ 8/2/1431هـ

محمد البيضاني:
سلام ياشاعر اهالي جبة ـــــــ تراك الاول دام ما به ثاني
حضّر جهودك والحزام اكرب به ــــــ والملعبة ماهي كما الطيراني

نابي الرمالي:
يامرحبا والحظ حبة حبة ــــــ من قال ما به ند ياكحيلاني
والسامري من يعرفه يطرب به ـــــ اخذ الكلام الموجز الملياني

محمد:
من بعد ما منصور راح لربه ـــــ صرتوا ياهل جبة كما اليتماني
رح للحجاز وخل هرج الشبة ــــــــ ثم اخذ لك دورة مع الحجزاني

نابي:
الموت لا قرب دنت له سبة ــــ ومنهو خليفة عود حرب الفاني
فالح شبيهه لو يشب اصطبه ــــــ انا مراقب خارج الميداني

محمد:
لو ان رجلك ماهي بمنصبة ــــــ انكان جيت ورحت بالبلداني
وشفت البحور اللي عميقة غبة ــــ من حد مشذوبة ليا عسفاني

نابي:
رجلي ما هي غصنٍ ليا من هبة ــــ تومي كما الاغصان يالبيضاني
اليادعيت ارضى وعلمي خبه ــــــ واليا وردنا نروي العطشاني

محمد:
العلم تتعب له ولو تتعب به ــــــ مافيه شي يجيك بالمجاني
سوق المعاني مع شبابة طبه ـــــــ عنز وحنا لك نشيل العاني

نابي:
انكان دون العلم قفل وضبة ـــــــ وشلون تفتح مغلق البيباني
منهو سمعك يقول تحت القبة ــــــ والشعر ماله بالزمن سلطاني

محمد:
انا دعيتك والمجادل كبه ــــــ والعلم عند قيادة الأركاني
وابشر ببشت ياولد تنصب به ــــــــ وتقول هذا من خويي جاني

نابي:
قال المثل منهو دعا لك لبه ـــــ ومحمد الحربي سوات اخواني
اتنبه لغيرك وتبغى منبه ــــــ بشتك ورى ما تلبسه يا فلاني

محاوره رائعه لاهنت عل النقل الرائع

تحيتي

ياسلام

شعراء يستحقوون المتابعه

لاهنت ياملاعب الاسنه

الحقيقه من افضل المحاورات

محاوره جزلة مشكور