ديوان الشاعر/ سعد المحمدي

بديت باسم اللـي خلقنـا مـن الطيـن=اللـي ليامـنـه ومـركـون كـانـي
ربنـاً لوجـه يركـعـون المصلـيـن=عـلام مـا نخفيـه تحـت الحوانـي
محـي العظـام الباليـه والشرايـيـن=نرجيـه حسـن الخاتمـه والحسانـي
بعـده بحفـل مرجحيـن المـوازيـن=سـلام مـن قلبـي نطقهـا لسـانـي
سـلام حربـي ماجهـل بالقوانـيـن=ياعتيبـه الهيـلا طــوال اليمـانـي
ياهل الوفـا والجـود بالعسـر والليـن=لاشـح فـي مالـه خطـات الهدانـي
أجواد سـاس أجـواد دايـم كريميـن=يشهد علـي ماقـول قاصـي ودانـي
مزبـان مـن خلـوه ناسـاً قريبـيـن=دونـه تخلـون الصعـب مطوعانـي
أشهـد شهـادة حـق منتـم رديـيـن=بالجـار وحقـوق الخـوي والعوانـي
شهـادةٍ مبـغـى وراهــا مثامـيـن=لاوالـذي يعـلـم خـفـاي وبيـانـي
وان عـودة ياهـل النضـا للاكاويـن=مـن يجهـل عتيبـه قديـم الزمانـي
حـرز الذليـل ملحقـيـن المخلـيـن=لصـاح صـيـاحٍ يـشـق الاذانــي
كـم شيـخ خـلا سابقـه بالميـاديـن=بعـد الطمـع عشـره تعـود ثمانـي
ويامـا غزيتـم دار قومـا بعيـديـن=فـوق المهـار مكاضمـات العنـانـي
جبتم حلايـا وضـح عنـد الشيابيـن=بالغصـب ماهـي بالرضـا والتمانـي
ماقلت عنـدي لـه شهـود وبراهيـن=مـاهـي سـوالـف واحداًمغلطـانـي
مايغط نـور النـاس غيـر المساكيـن=اضعـوف الانفـس تابعيـن الهوانـي
الحـق لـو انـه لنـاسـاً معـاديـن=ماينكـره غيـر الـردي والهـدانـي
قلـتـه وحـنـا للمعـانـد عنيـديـن=مـن شافنـا بالعيـن صابـه جنانـي
جمع الحروب اللي على الحرب ضارين=لا سيقـت العطفـه عيـانـاً بيـانـي
من دون زينـات الحلايـا ضريريـن=نمشـي سنـود ولانحـب الطمـانـي
ونعما ًبكـل النـاس قاصـين ودانيـن=كلـن ضلوعـه دون حقـه متـانـي
في ظـل عبـدالله صعـوط المجانيـن=صرنـا بعـد ذاك التناحـر أخوانـي
بمن وامـان وننصـر الحـق والديـن=ونجزا راع الحسنـات مثلـه حسانـي
وختامهـا عـداد ماشـافـت العـيـن=صلوا علـى المختـار سـر وعلانـي