( للنخبة )

دستورن القرآن والشرع معدال = والحكم لله ثم لآل السعودي
في سيرة المختار تفسير الأقوال = منها تعلمنا ركوع وسجودي
اجيال تآتي بعدها اجيال واجيال = والعمرنقصة في بن آدم صعودي
الرب واحد مابها شك وجدال = الواحد الفرد الكريم الودودي
الدين من ثم الوطن بعده المال = والمال فاللي راح به لك يعودي
الروح لأرض ودين ترخص والاموال = وحنا لدين وارض نبقا جنودي
طاعة ولاة الأمر في سلم وقتال = في طاعة الله ماتزل الحدودي
الجار بعد الاب والعم والخال =والام مثل البحر ماله حدودي
الصاحب اللي لحمل الاصحاب يشتال =لاتصحب اللي فالشدايد شرودي
السر حذرا لاتحطة بمنخال = لاتآمن الا من يحفظ الوعودي
طبع المنافق مايسوي ليا قال = والمؤمن اللي موفي للعهودي
العلم فرض ومطلب ونورمازال = والجهل بيت العز منه مهدودي
بيت الكرم يعمره دله وفنجال = البخل بيت ساكنينة رقودي
الضيف له عند العرب خيرمنزال = وزيارة المرضان فعل محمودي
الصبربه قالوا مفاتيح الاقفال = اليسربعد العسرلازم يسودي
الحسد بين الناس للخير قتال = الكبر مهلك قوم عاد وثمودي
من جالس اهل الخيرللخيرفعال = والشرللي جالس اهله يقودي
الدهر يوم ويوم جالس له قبال = اليوم الاول لك والآخر جحودي
كلن على قدرالذي قدم ينال = خذ من حياتك لآخرتك الوقودي
فالقبر مايبقا معك غير الاعمال = واعمالنا مابين بيض وسودي
الصدق وقت الصدق يحكا وينقال = والشعر بعضة كالذهب والنقودي
الشعرماهو كل منضوم يتقال = الشعر بحر وله نظام وبنودي
الشعر ماتشريه بجنيه وريال = الشعر شجرة عرقها فالجدودي
آقولها وانا الذي للشعر نال = والشاهد اللة والخلايق شهودي
جدي بنالي بيت له سلس وظلال = واكمله خالي جعل عمرة يزودي
بيت بناة الجد مهما الزمن طال = مايختلف مادام انا فالوجودي
ماكل منه يركب الخيل خيال = ولاكل من يرقا بشعرة سنودي
الشعر والشعار الوان واشكال = والحكم للي للمعاني نقودي
الاول اللي يشرح الصدر والبال = معنا ووزن وصوت مثل الرعودي
عكسة من الشعار شاعر ودلال = ثرثار شعرة علة فالكبودي
الثالث اللي بالشعرصاريحتال = شعرة سواة الشوك وسط الورودي
الرابع اللي جامع شعر وافعال = والشاعر افعالة لشعرة تقودي
دايم محلة للمسايير مدهال = رجال باشعارة وملة يجودي
الخامس اللي بالشعريجمع اموال = لولا الشعر ماله معانا قعودي
ماقول انا ناقد ولاقول فتال = لكن مايمنع اقدم جهودي
الشعريرقا كان قايلة رجال = ويطيح كان اللي يقولة ربودي
من ماضي الايام والشعر يختال = الزين يبقا والردية تبودي
الشعر كان اول كما البدو رحال = واصبح كما قالوا سهود ومهودي
اليوم سويلة قنوات وارسال = سيلن اتانا ماتردة سدودي
كثرة قنوات الشعر والحق يقال = البعض منها جعلها للخمودي
لا والذي ادهى برامج وشي حال = بيرق شعر زاد الفتن والحقودي
قد قيل فالامثال قال المثل قال = مازاد عن حدة لنفسة ضدودي
مليون رامي والهدف راس هذال = والقدس منسي في يدين اليهودي
لولا الامل ماكن قلنا لنا آمال = ولولا الهوى ماهتز غصنن وعودي
الله يحل الصعب ويبدل الحال = سبحانة اللي يحل صعب العقودي
تمت ولا به مخرج بدون مدخال = باسمة اتيت وباسمة ايضا اعودي
باسم الله اللي لاصدق القول نزال = باسم الله اللي كلنا له نعودي

لله يحـل الصعـب ويبـدل الحـال سبحانة اللي يحل صعب العقـودي
تمت ولا به مخرج بـدون مدخـال باسمة اتيت وباسمة ايضا اعـودي
يسلام عليك سبك وحبك


صح السانك

صح الله السانك ياجميل


جزله كالعاده

صح لسانك ياجميل لاهنت

صح السانك قصيده رائعة المعنى والمبنى

حياكم الله جميع مرروركم شرف لي والله يجملنا ونلقا الرضاااااااااااااااتحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك

قصيده وافيه ومعانيها


من ذهب لاهنت

الله يحييكم ......................... ويامرحبا ..................... شرفتونا ..................... حياكم الله ويا هلا

صح الله لسانك
ولاهنت
وسلم فكرك وبنانك
دمت برعاية الله وحفظة