سلام الله سلام الله سلام الله

المري=
سلام الله سلام الله سلام الله وابي ماهر=وبابورك على هونه وفي وسط البحر مشـّـه
تبى تشتب نارك وانت حيلك فالزمن فاتر=اظن آخير لك وازين لو انك جمرك توشـّـه
ماهر ابوناب=
هلا يا مرحبا وأهلا هلا بالمري الباهر = ترى بابورنا لامن لقى بابوركم قشه
تحداني وأنا ناري عليكم حرها ساتر = لكن اركد وريوس لا تضيع وتترك العشه
المري=
نبيك تصير مثل العود فالميدان لك حافر=ولك ناب ٍ حديد يشيل غصن التوت ويهشـّه
تشيل الحب في حثلك عن العربان يالماعر=وانا لاشفت حبـّك زارعه ياماهر احشـّـه
ماهر ابوناب=
اشوفك حادر الوادي ترز الخشم وتنافر = ولد مره ومره من ثمود وعاد منغشه
وانا مسلم ليا كبرت فوق الغافل الكافر = يطير الكفر من راسه وخر القوم منطشه
المري=
والا يازينها لوكان اقص الصاحب الغادر=ليا منه نفخ ذربه عليّ آجيه وافشـّـه
زمان العام بطنك ملتوي حولك كما العاقر=وذالحينه تشيل المسك في يدّيك وترشه
ماهر ابوناب=
والا يا زينها من بعد ما جاك البحر زافر = غشاك البحر وأرضك بعد صفقات البحر هشه
بضاعتكم تولاها الزبيدي ماهر التاجر = جميله فيك لين اليوم وألع نار من خشه
المري=
اظنك ماتحب اللعب والمري معك حاضر=واظن الحر في عشـّـه تعشـّـى ماحد ٍ نشـّّـه
تبى تاكل طعامك لو طعامك شايفه قافر=الك ناب ٍ حديد وقصر ولد الشيخ ماتدشـّـه
ماهر ابوناب=
اقريك الكتاب اللي عليكم ينهى ويامر = على شان العلوم اللي معك بالحيل مندشه
عرفنا علتك فعروق قلبك دمها خامر = دواكم رمح ابن غانم لزمكم غده وعشه

ابداع ماهو غريب من اهل الابداع

الله يحييك يامرسى وماعليك زود

شكراك

صح لسانك ياشاعرنا الماهر ابو ناب وصح لسان زميلك المري ومحاوره كايفه ومميزه من الطرفين ومن الوزن الكبير بيض الله وجيهكم

صح الله بدنك وماعليك زود يالذيب