البارحه با الحلم واجهت صدام

السلام عليكم ورحمة الله وبركاته

البارحه با الحلم واجهت صدام= ابو عدي اللي عليه الزعامه
ماكن يوم العيد نفذ به اعدام = ولا كن من دونه حدتنا الرخامه
عليه هندام الشجاعه والاقدام = كنه بعرض الجيش عيد استلامه
قلت انت حي وقال حيات الاكرام = موتي شهيد ولا حياة الندامه
قال العراق وقلت من بعدك اقوام = كل يقول الحكم عندي زمامه
متحزبين احزاب با احلام الاوهام = وتسحب امريكا من صحنهم ايدامه
الجيش سرح والمغاوير خدام = شعب الشهامه ما بقت به شهامه
وربعك عليهم صدرت اقسى الاحكام = ومصير عزة ما عرفله علامه
مدري مع اللي قاوموا غزوا الاروام = والا بظل الشيخ طايب مقامه
قال العرب قلت العرب راحوا اقسام = قال الكرامه قلت بعنا الكرامه
اتباع لسياسة بلد عمنا سام = نتبع سياساته ونسمع كلامه
اكبر قضايانا عليها الدهر صام = والمسجد الاقصى بدوا في هدامه
عباس خاين با الكنيسة له اعمام = والشعب من عباس بان انقسامه
من بعد ابو عمار مامات با السام =وحماس تعلن مع ايران انضمامه
يمكن يبى يطور صواريخ قسام = يوم يتبرى من عيال العمامه
وقال العديم الي تسلح با الاسلام = راع الملحا قلت راع العمامه
باقي على خبرك وممشاه قدام = وعنا حلاله حال دونه حرامه
كثرت علينا من محطات الاعلام = ومانسمع الا قو صفقة حزامه
على الثغور الحق له بصمة ابهام = ودوم الشجاع يموت مرفوع هامه
ويران قلت ايران له برضنا احلام = يبي علينا يفرضون الامامه
جونا من ابلادك وجونا من الشام = ومن اليمن جونا وجنوبي تهامه
مستثمر امواله ويبني للايام = ومن قو تسليحه ينافخ ايمامه
وحنا العرب على بحور من الخام =وتصرف على الموضه ودنيا الوسامه
ندريبهم مذهب ظلالي وهدام = لكن حنا وينا عن مرامه
قال الخليج وقلت فينا البلا عام = كلٍ على ما قيل يبغا السلامه
والمال قلت المال مالي به ألمام = لكن حصل كارثه في نظامه
ادبي من دين العقارات منظام = للبيع لكن محد قيل سامه
اما المواطن راتبه يقضي شمام = قسم لفواتيره وقسم لمدامه
الوضع يا صدام مؤسف له اعوام = وبين العرب جرح صعيب إلتامه
ومادايم الا الله وغيره محد دام = ومن المحال الحال يبقى دوامه
قال الامل قلت الامل في نبا هام = طلوع نجم نجتمع لحترامه
ميزان عدل و عنده الحق مرسام =وعلى عدو الدين عنده صرامه
يصبح لنا قايد ويصبح لنا أمام = او ننتظر حتى تقوم القيامه
وصحيت واسمي وانا اعود انام = وجاني وقلت اقول مع السلامه
لا تستغل الحي ياميت العام = انته مجرد حلم مر ابمنامه

صح السانك وبيض الله وجهك........... قصيده جزله....... وتشريح لحال الامه بالتفصيل.. وتسلسل رائع في مواضيع القصيده يستحيل معه ان يدخل الملل عند قارئها........ شي غير مستغرب من شاعر بحجم قامة الشاعر خالد الحصني.........يعطيك العافيه

لم تجد غير هدام البعثي تحلم فيه وتمدحه

والمجازر الجماعيه وقتل الناس الابرياء هل هذه هي

الشهامه والشجاعه

وشهيد!!

الشهاده تبرأ منه

خلونا نقتل الابرياء وتهجئوا بشجاعتنا ياشعراء


هذا رأي بالقصيد ه

اختلاف الرأي لايفسد للود قضيه


شكرا اخي خالد الحصني

الشاعر خالد الحصني .
صح لسانك لحيث الدعو مجرد حلم او هذاري اليل ليل الشتاء طويل

	المشاركة الأصلية كتبت بواسطة خالد الحصني

	السلام عليكم ورحمة الله وبركاته البارحه با الحلم واجهت صدام= ابو عدي الي عليه الزعامه ماكن يوم العيد نفذ به اعدام = ولا كن من دونه حدتنا الرخامه عليه هندام الشجاعه والاقدام = كنه بعرض الجيش عيد استلامه قلت انت حي وقال حيات الاكرام = موتي شهيد ولا حياة الندامه

ولا كن من دونه حدتنا الرخــامه .

الله الله صح الله لسآنك وقصيدتن جزله

والله ياخالد انهالقصيدة قمه في هذ الوقت اصابت كبد الحقيقه
ياسلام ياسلام كلام رائع

	المشاركة الأصلية كتبت بواسطة لينا الوسيدي

	لم تجد غير هدام البعثي تحلم فيه وتمدحه والمجازر الجماعيه وقتل الناس الابرياء هل هذه هي الشهامه والشجاعه وشهيد!! الشهاده تبرأ منه خلونا نقتل الابرياء وتهجئوا بشجاعتنا ياشعراء هذا رأي بالقصيد ه اختلاف الرأي لايفسد للود قضيه شكرا اخي خالد الحصني

إن الله غفورا رحيــــم
ومن ناحية الشهامه والشجـــاعه
كلنآ عرفناها
واكبر دليل في محآكمته وشنقه ونطق الشهآده كآمله واكثر المشآيخ
قآلو تجوز الرحمــه عليه
اختلاف الرأي لايفسد للود قضيه

	المشاركة الأصلية كتبت بواسطة الساري ابوشمس

	صح السانك وبيض الله وجهك........... قصيده جزله....... وتشريح لحال الامه بالتفصيل.. وتسلسل رائع في مواضيع القصيده يستحيل معه ان يدخل الملل عند قارئها........ شي غير مستغرب من شاعر بحجم قامة الشاعر خالد الحصني.........يعطيك العافيه

اعجبني كلام اخوي الساري ويابو موسى صح السانك ملايين الله ابيض وجهك ياولد العم كلام جزل ومن عاده الكلام الجزل يجي من الجزل ونت جزل وبن جزل تقبل تحياتي

قصيده فيها غموض

صح السانك ولي عوده

من اجمل ما قرأت


والله يرحم صدام حسين





تقبل مروري


ودمت بخير يالغالي