السلام عليكم

هلا مرحبا ترحيب من بال مسرور=على الشاذليه والشحم في صحونه
لعله يجي للجرح ياحرب دكتور=بعد طولت واليوم كلٍ بشونه

بدايه طيبه صح السانك

يدوم البقا بك عد مايطلع النور=وراع المراجل ماتجيه المهونه
تركد عسى ماشفت من هاالزمن جور=بعد طولت راسك تشيله متونه

صح الله لسنتكم وبيض الله وجيهكم وانا متابع

بعد ماخذيت الدور مانته بمعذور=تقدم عسى علم العرب تفهمونه
وشلي حصل مابين ساعد ومستور=وكلٍ على الاخر يحدحد سنونه

بعد ماخذيت الدور ماحاصل قصور=وصاحبك ماتخطي دروبه عيونه
انا ماعرفت العلم لو كان منشور =سمعت الرعد ماشفت وجهة مزونه

صح بدنك يالبدراني ويحلى الطاروق بمتابعتك

ونعمين يامرسا وشاعر ومخبور=ومثلي حشا فالوقت ماتنكرونه
وحنا نبا مابيننا الوضع مستور=عسا حبلها يصاحبي تلزمونه

شهودك عقارب وقت وسنين وشهور=واضن الوعل يعرف بليا قرونه
تبا الشايب المستور فالقبر مقبور=وحبل الرجى ماهو بمقطوع دونه

الشاعر سموم القيض صح لسانك على هذا الطاروق الكايف
وصح لسانك زميلك شاعرنا الجزل مرسي الثقال وبيض الله وجيهكم لعب راقي من الطرفين