ياسلام الله السلام اللي نقوله كل مده

أدري انك من رجال الطيب ورجال الاشده = مير ياورقان وش تقدر تسوي في صخرها
الدروب مقضبه والريع ماتقدر تسده = حفرةً وقع بها ورقان يوم انه حفرها

وادري انك من رجال العرف والعاقل مرده = يعتبر من صخرةٍ سلك الدناميتي فجرها
وان سريت الليل يالصاحب بديرة مجرهده= لا تغر من النجوم بليلةٍ غايب قمرها

اخوي الشاعر محمد البدراني صح لسانك وبيض الله وجهك
شرفتني بمجاراتك وردودك الجزله شكرا لك
والمعذرة على القصور ان حصل شي
والختام عنك ان حبيت والى لقاء اخر ان شاء الله

والشكر موصول لكل الاخوة الكرام اللي شرفونا بحضورهم

بيض وجهك شاعرنا ورقان ولم يحصل من قصور وبيض الله وجيه الربع الذي عطوني فوق مستواي والله يحفظكم