مضحي بن جمران ..أقرب جاي..

السلام عليكم ورحمة الله وبركاته
الشاعرالقدير مضحي بن جمران
أذا تكرمت أرغب اللعب معك ،وارجو تحديد الوقت المناسب ليكون اللعب مباشر لأن اللعب على فترات ليس له رغبه.

السلام أخير مبداء فيه الأجر الباين=واضحٍ للي يريد المغفـره فاسفاره
نقتل المتسلل الخاين يموت الخاين=من بداء بالحرب يبشر نهزمه في داره

اسلم اسلم يالزايدي قافا" طيب والاطيب انت ومضحي راح يجمل على هالبيوت الجميله برده الجميل وننتظر رد الشاعر المحبوب :بن جمران وعسا الله يعجلبه متشوقين...

مرسى الثقال

/

الله يسلمك ويكرمك

لك شكري وتقديري

ياسلااااااااام

بدايه رااااااائعه تدل على محاوره جميله قادمه وبيض الله وجهك اخي احمد الزايدي

ننتظر الطرف الأخر مضحي الجمران

واتمنى التوفيق للجميع

تحياتي

صح لسانك واتشرف بمجاراتك وحياك الله وابقاك يااحمد وان شاء الله الوعد ليلة الاربعاء الساعه الثامنه مساء اذا واستلم سلمت

مبتدانا من بدا به يالسنافي ماين=سنةٍ للمصطفى اللي عالياً مقداره
لو نقول ان العدو ضعيف وامره هاين=الدجاج ليا دجن ماينومن منقاره

صح السان الشاعر احمد الزايدي بدايه جميله لمحاوره قادمه
وصح السانك شاعرنا المبدع مضحي الجمران رد جميل وممتع ونحن في انتظار الاربعا
لكم مني اجمل تحيه

مايصون العهد والميثاق رجلٍ شاين=شانت أطبوعه تراه يحب أذية جاره
يهزم الله كل متغطرس ووقته حاين=تدعـمه فـارة نجاسه وهيه انجس فاره

مضحي بن حمران

/

المعذره والله أني معزوم للعشاء يوم الأربعاء ، لكن غير الموعد وابشر بمايسرك يالغالي.

العدو يبقى عدو مديون وإلا داين=كل ماتسنح له الفرصه يدور ثاره
الحرار الشقر في مرقابها وتعاين=ياذهاب الصيد لاشنة عليه الغاره

حياك الله يااحمد انا جيت على الموعد ولم اجدك وانت والله معذور بكل الاحوال يغالي والايام هذي تعرف طلعات بر وعزايم ومكاشيت وانا تواجدي هذه الايام قليل على الجهاز وخصوصاً في الليل لااني من العصر في المخيم الي الساعه الثانيه عشر ليلاً وبعد مااعود من البر اشغل الجهاز لمده محدود لكن كمل هذه المحاوره وان شاء الله نعوضك باطيب منها وانا ماودي اربط نفسي بموعد وكذلك اربطك معي واحد الاطراف يكون له ظرف يحول دون تواجده بالموعد وإلا المحاوره المباشره هي مطلب الجميع لكن الجايات اطيب وعمرك يطول يابو حميد وابشر بما يسرك