ياماحـلا هـبة الوســمي = ادخل وشارك يالنشــمي** قصيدة مجارات لكل الشعراء ، حتى الربيع

	الشكر والتقدير لكل الشعراء المشاركين عساكم دايم على القوة مشاركاتكم ممتعة مفيدة مشاركاتكم جزلة من شعراء متمكنين في انتظار المزيد والإستمرار حتى نهاية فصل الربيع

	سـجل تشرف هذا الموضوع بمشاركة الشعراء ،،، كمايلي :-

ياماحلا هبَّـةِ الوسمـي=ليْنْ أَبرقتْ هلَّت امطاره
إدخلْ وِشاركِ يالنشمـي=بالشعر سولِفْ لنا أخباره
سلام في الملتقي الرسمي= لربعي هل الفعل في الغاره
وشاركتهم واحتمي قسمي= بالخيل والزند والشـَّاره
الحمد لله السما تهمـي=والحقل فاضتْ لهْ آباره
ليْنْ قَبْقبَ الفقعُ والمكمي=كل(ن) رحلْ يطلبَ آثاره
لازال غيـم السمـاء يرمـي=والله يستـر مــن اخـطـاره
والغيث مطلب وشي حتمي=والله عــالـــم بــأســـراره
الشاعر: ابن خيرالله الردادي=نائب المشرف العام
الله لنا مِن الخطر يحمي=ندْعو نِكثِّرْ منْ أذكـاره
إنْ الغديْرْ يغْدرَ الآدمي=إحذرْ تِخَيَّـمْ بِِمِجْـراره
لو يعلم الشيخ ابن عسمي=يحـتـار ويطـفـي انـــواره
ولابــد للسالـفـة حـسـمـي=لافّـتــق الـعـشـب نـــوّاره
والعشب في روضة محمي=يعجبك لاشفت لازهاره
ويوم الدسم والعشاء دسمي=الجار منشود عن جاره
تسمنْ بها الأبلْ والبهمي=َفاح الخزامى بإعطـاره
والطير غَّرد لنا النغم(ي)=شْبعِ(ن)بعشَّهْ وأوكـاره
لارّبع العـرض والوشمـي=الـغــيــث يـاكــثــر زواره
طلبك وامرك على خشمي=وبحضـورك نقـدم بشـاره
من الشرق الى سهلة التهمي=عسى الحيا عام لدياره
آباره اتفيض واتزمي=والعشب يخضر باقطاره
يرعى به الضين و الادمـي=ما بين "طخفة" و "جـرّارة"
و تشرب من أمطاره القدمي=ما تشـرب المـا بمطّـاره
قرقاس وبسباس بها تنمي=بالسهل والحزم والقاره
الروح ترتاح للنسـمي=من روضة(ن) عشبها خضاره
وفي ساعة الجِدّ و الحَسْمي=ما يخطي الصيـد صقـاره
يصيد بالطير مـا يرمـي=و يسْوي حصيله على ناره
لاباس لو صاد بالسهمي=والصيد حافِظْ على صغاره
إبعدْ عن الصيد بالمحمي=لأجل(نْ) تناما بهْ حباره
ياماحلا الشمـلِِ ملتـم(ي)=في كل شهر(ن) لنا زيـارة
يوم(ن) نجي روضة الخرمي=ويوم(ن)على طعوس خراره
يادار بعدك ترى سمي=والبعد يكوين في ناره
دار النشاما بني عمـــي=ياسعد مــــن جاك بزياره
في برها ينفـــــرج همي=ويبيح القلب بســـــراره
تسقى من الوابل الوسمي=ويربــع سواج ودياره
ترى الخوي بالسفـر لزْمـي=لن بعـض الاسفـار غـداره
حتى و لو كنـت ذا عزمـي=ما احد(ن) ضمن غبّ مشواره
بعض الدروب للذكي تعمي=لوكان في قوة إبصاره
لين ابرقت والسحب تغمي=ثم دمدم الرعد واعصاره

بعض الدروب للذكـي تعمـي=لوكـان فـي قـوة إبصـاره
لين ابرقت والسحـب تغمـي=ثم دمـدم الرعـد واعصـاره

بعض الرياض كلها ردم(ي)=والزهر مفروش له إخضاره
لكن ترى البعض بها يرمي=خرب خضاره بسياره

	ترى السيول غدرها هدم(ي)=تعلو على الحي واسواره لين جرف الوادي الطميي=وروافده ضلوع هـدَّاره ابوبندرالرشيد