تهيضت ياناجي وهاضت قريحتي

السلام عليكم ورحمة الله وبركاته
هذه القصيده ارسلتها للشاعر ناجي شديد الجهني ورده عليها

تهيضت ياناجي وهاضة قريحتي=بعد مارقيت من الشوامخ طويلها
تهيضت يوم الوسم لاحت بروقة=شمال وجنوب وكل عين تخيلها
وقفت اتوجد واتمنا وهاجسي=تجية الروابع حايرٍ في دليلها
ونشدت نفسي عن هواها وودها=قبل لا يجيها عن الدنيا رحيلها
وقالت لا تنشدني هواية تعرفه=يكفيك مد يديك وافر حصيلها
ليا صار مابيديك مالٍ تجودبه=يدن بليا مال واعزتيلها
ثم قلت يانفس الشقا ريحيني=الأموال ماطالت يدينن تشيلها
أنا في رجى الله معطي العطايا لمن يشا=والأرزاق يا نفسي ترى الله كفيلها
مادامت الدنيا لحيٍ زهتله=دنيا دنية بايرة في عميلها
غرورٍٍ تغر وتمكر براع الوفا=كم خيرٍ حطت بكبدة غليلها
وكم واحد جتله على الكيف والمنا=تجيله على كيفة وهو مايجيلها
ذي حالة الدنيا بعسرها ويسرها=وكثيرها عندي يساوي قليلها
هي عايفة مني وأنا عفت منها=وبصبر على صكاتها ورتكيلها
اعرف أنها تحد الناب لو أضحكت لي=تبي تظهر حفيلي الله يظهر حفيلها
هذا وأنا مثل غيري ومن جايز البشر=يومٍ تعاديني ويومٍ خليلها
أناجيك ياناجي بصادق مشاعري=بعد مانقيت من المثايل جزيلها
تهيضت من ماشفت لجل اتفسح=قبل لايجي نفسي عن الدنيا رحيلها

رد الشاعر ناجي شديد الجهني

تمر المواقف والرسايل وتنتهي=وياكثرها مرت لا ولحدٍ دريلها
وانا ياعلي من يوم جاتني رسالتك=ماكني قريت من الرسايل بديلها
معاناة شاعر والمشاعر بدورها=تحدث عن الواقع بمايستويلها
لها تمعنتها وارسلت معها مشاعر=وسجلت من خير المعاني جليلها
مهيضك مشرافك على نايف الحجا=وهيضت من نفسٍ عطت مابقيلها
ليا فات ثلث الليل والناس نايمه=الطالع النجوم الساريه يشتكيلها
على ذكر ماتطويه محالة الدهر=يراجع حسابه والروابع يكيلها
نعم ياعلي هذي حياة نعيشها=على باب واقعها وقف مستحيلها
هذي حالة الدنيا كفى الله شرها=على غير موعد ميلها وتعديلها
تعبنا مع الدنيا وهي كلها شقا=ولاتخسر الا هامة تنحنيلها
تواعد وتخدع من يصدق وعودها=وتشعل على روس اصدقائها فتيلها
غرورٍ مع الاقبال بالوصف كنها=غنوج لعاشقها تنفض جديلها
ولا عاضبت وقفت صعيبٍ لحوقها=دبورٍ تروع يوم ترفع شليلها
عسى الله يرزقنا القناعه برزقنا=جزيل العطايا كل نفسا وكيلها
هو الخالق الرازق عليه اعتمدنا=بسط بأمره الدنيا وبأمره يزيلها
وعذرا من التقصير والعذر يقبل=من اصحابنا اللي مانسينا جميلها

ناجي شديد الجهني

وفيتو ولا هفيتو

بيض الله وجيهكم

الجزلات ماتجي الا من عند اهلها

اصح الله لسانيكما

مادامـت الدنـيـا لـحـيٍ زهتـلـه=دنيـا دنيـة بايـرة فـي عميلـهـا
غـرورٍٍ تغـر وتمكـر بـراع الوفـا=كـم خيـرٍ حطـت بكبـدة غليلـهـا
وكم واحد جتله على الكيـف والمنـا=تجيله علـى كيفـة وهـو مايجيلهـا
ذي حالـة الدنيـا بعسرهـا ويسرهـا=وكثيرهـا عنـدي يسـاوي قليلـهـا

تعبنا مع الدنيا وهي كلهـا شقـا=ولاتخسـر الا هامـة تنحنيلـهـا
تواعد وتخدع من يصدق وعودها=وتشعل على روس اصدقائها فتيلها
غرورٍ مع الاقبال بالوصف كنهـا=غنوج لعاشقها تنفـض جديلهـا
ولا عاضبت وقفت صعيبٍ لحوقها=دبورٍ تروع يـوم ترفـع شليلهـا

[table1="width:85%;background-image:url('http://www.alhroob.com/vb/mwaextraedit2/backgrounds/200.gif');background-color:blue;border:6px groove sandybrown;"]

بيض الله وجيهكم

الجزلات ماتجي الا من عند اهلها

اصح لسانك والسانه

الشاعر علي غلاب

صح الله لسانك ولسان زميلك

ابدعتوا بيض الله وجيهكم

صحت السنتكم
والله يـعـطـيـكم الـعـافيـــــــــــة
بيض الله وجيهكم

ليـا صـار مابيديـك مـالٍ تجودبـه
يــدن بلـيـا مــال واعزتيلـهـا
ثـم قلـت يانفـس الشقـا ريحينـي
الأمـوال ماطالـت يدينـن تشيلـهـا


صح لسانك


وصح لسان خويك

كلام جميل الله يعافيكم

وفيتو

بيض الله وجيهكم

الجزلات ماتجي الا من عند اهلها

صح السنتكم جميعا ارسال قصيده رائعه ورد اروع ماشالله على الجهني

وفيتو ولا هفيتو

بيض الله وجيهكم

الجزلات ماتجي الا من عند اهلها

اصح الله لسانيكما