اول مشاركة ××× ماباقي الا الدمعة ×××

لكم اول مشاركة
واتمنى ان تنال
على استحسانكم.
.
.
.

ما باقي الا الدمعة تطيح واصيـح=بلوا عسى الله لايجيـب البـلاوي
دافعتها واخطت طريق السواميـح=وتعثرت بيـن الرجـاء والمنـاوي
ومسحتها لاتبين للنـاس واتطيـح=وتفضح خفى قلبٍ من الضيق ذاوي
لو ان حدب ضلوع قلبي مجاريـح=مسحتها من خوف بعض الحكاوي
اخاف تلقفهـا عيـون المشافيـح=وتروح من راوي على لسان راوي
اخفيتها لاتروح من دون تصريـح=وتضرب لها دربٍ بعيـد نحـاوي
والورده اللي تحت سقف ومصابيح=ذبلت قهر عقب انقطاع الرجـاوي
ودفنتها بيـن النواييـر والشيـح=وبكيت قبل تروح عنها الخطـاوي
عقب النسيم وصافيات الصحاصيح=ثـارن عليَـه مخلفـات الهقـاوي
مثل الجبال السود جنـي مدابيـح=ولاغدن مكان ولامشن بالحـراوي
على الهدف تمشي الليالي الذوابيـح=وعلى مكاوي العام زادن مكـاوي
وآقلبي اللي بين هـم وسواميـح=لاهو بلا صابـر ولاهـو بقـاوي
مثل السفينة بين الامواج والريـح=لاخانت القبطان كـل العـزاوي
تلعبي همومـي سـوات المراجيـح=واعيش مع همي وحيدٍ خـلاوي
واصك بابـي واقفلـه بالمفاتيـح=لان الجريح احيان مالـه مـداوي
مالي بدمع مثل دمـع التماسيـح=بوجيه لاترحـم ولا هـي بتـاوي
على مصايب ناس قامت تشاليـح=وعلى حلال ايتام كبرت مضـاوي
لاتشتكي للناس همـك ولا تبيـح=وخل الامـل بالله حبلـه رهـاوي
والدمعة اللي باقي شـوي وتطيـح=مسحتها من خوف بعض الحكاوي

وسلامة الجميع
اخوكم : ابو فــراس

الشاعر خالد القبع


صح لسانك وعلا شانك


قصيده جزله ومن شاعر جزل


والحقيقه نتشرف بوجودك بيننا ومن دواعي سرورنا انا تكون احد شعراء هذااا الملتقى


وحياك الله وابرك الساعات


وتقبل كل تحياتي 0"

ابو فراس صح لسانك وبيض الله وجهك
مصافحه جميله ورائعه
قصيده وافيه من وافي
الله يعطيك العافيه
ودي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

سلمت اخوي ابو فراس

صح لسانك

وعلا شانك

ابو فراس صح لسانك وبيض الله وجهك
مصافحه جميله ورائعه
قصيده وافيه من وافي
الله يعطيك العافيه

خالد اللهيبي

صح بدنك ولاهنت

صح لسانك يابو فراس
انا اشهد انك شاعر بمعنى الكلمة
وانااقتبست من اخر القصيدة ماهو معناة انه هذا اللي اعجبنى
بالعكس كل القصيدة قمة قمة لكن اقتبست الاخير لأن الغالبية مايقرأون القصائد الى آخرها
وينحرمون من هذه الدرر المكنونة
واصك بابـي واقفلـه بالمفاتيـح
لان الجريح احيان مالـه مـداوي
مالي بدمع مثـل دمـع التماسيـح
بوجيه لاترحـم ولا هـي بتـاوي

على مصايب ناس قامت تشاليـح
وعلى حلال ايتام كبرت مضـاوي

لاتشتكي للناس همـك ولا تبيـح
وخل الامـل بالله حبلـه رهـاوي

أخي القدير العزيز وشاعر الرائع
خالد دغيمان
صح الله لسانك على هذه الرائعه كتبت وأبدعت بحق
هذا الشعر الممتع سلم فكرك واناملك على ماسطرت من أبدع
شعر مذهل حرف مترف دمت بهذا العطا
تقبل تقديري واحترامي

	المشاركة الأصلية كتبت بواسطة ابو عادل

	ابو فراس صح لسانك وبيض الله وجهك مصافحه جميله ورائعه قصيده وافيه من وافي الله يعطيك العافيه ودي وتقديري

صح بدنك
ولاهنت على مرورك الجميل
والله يعطيك العافية