اللغز ( 412 ) عليه من حليا عدوك حلايا= محلول عقال الابل= من سعد الحصني

24-11-09, 08:02 AM

الله يصبحكم بالخير
لغيز خفافي نبي نغير من وتيرة الالغاز الصعبة
واعطيكم من هالمقبلات علشان تنفتح الشهية للألغاز الذهبية ونحلها

ياويش ورعٍ فيه قوة وله بأس=بأشد خلق الله يسوي سوايا
الطول حول المتر وامدلمك الراس=وعليه من حليا عدوك حلايا

24-11-09, 09:11 AM

يفضل الحل بيات شعرية

ولا عليكم أمر

24-11-09, 09:51 AM

صبحك ربن خالق الجن والناس=بالخير ياشبلن نضيف النوايا
ابرمعه وقول ياطيب الساس= بالداب ولا الذيب منه حلايا

صح السانك مليون يابو ازياد

24-11-09, 10:03 AM

صح بدنك ياسعد

وانته صباحك فل واورود واحساس=مع احتراميلك وجزل التحايا
الرمعة اللي قلت يالحر قرناس=اخطت عساها ماتجيك الخطايا

24-11-09, 10:15 AM

يابو زياد اللغز ذا ماله اجناس = الله يجيرك من شرور القضايا
تبحث عن المشعاب والا عن الفاس= نقالهن ناوي بغيره نوايا

24-11-09, 10:21 AM

يامرحبا واللغز مبني على ساس=ماهو يابو خالد خطات الحكايا
رمعتك راحت دونها حالت ارماس=عساك سالم ماتجيك الزرايا

24-11-09, 10:35 AM

في خاطري رمعه ترى تضرس اضراس == بقولها والله عليم الخفايا
الرمعه اعقال الجمل اه ينـــــــــــــــــاس == ذكرني اشيا يارجال الحمايا

24-11-09, 10:52 AM

خطير ياسعد

24-11-09, 12:26 PM

غز الله العزيز اني مؤيد لسعد في رمعة العقال
شكله تقل داب ويسوي سوايا بالجمل

24-11-09, 01:16 PM

صحت السنتكم ومئيد لرمعت سعد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري