مبروك فوزك يالافي

	المشاركة الأصلية كتبت بواسطة عوض عواض الغيداني

	السلام عليكم ورحمة الله وبركاته نبارك للاخ الغالي لافي الغيداني بمناسبة فوزه في مسابقة سلامة الامير سلطان مبروك فوزك يالافي والحقيقة تقال = انك تعبت وخلف ربي جميع التعب تستاهل المركز الاول بليا جدال = شاعر ومع كوكبة شعار اخذت اللقب بنيت لك بالشعر مجدٍ شمخ مايطال = كوكب مشاعرك ساطع بالشعر ماغرب تتعب على مفرداتك والمعاني جزال = مبدع وتصنع لجمهورك سبايك ذهب يا رابطٍ واقع الاشياء بنسج الخيال = ياشاعر الوصف في معنى وحكمة وادب ياجاعل من ابسط الاشياء جواب وسوال = لاولعت نار شعرك صب جزله غضب رديت للشعر بعض اللي خذته الليال = ونقيت من مفرداته مايثير العجب تكتب بعفوية الواثق وطعم الزلال = ابيات جمهورك يغني عليها طرب حصدت الاعجاب في شعرك جنوب وشمال = والشرق والغرب من نكهة قصيدك قرب نحت جزل القصايد من صميم المحال = كنك تقول ان بغيتوا شي تحت الطلب يا موطن الشعر ياقمة وروعة جمال = غير العقل والشعر طيبه وصدرٍ رحب فرايدك صارت مع الناس مضرب مثال = اسمك بأحرف ذهب وسط القلوب انكتب ابدعت ياستاذ شعر النظم بالارتجال = الشعر بوح المحبة والمشاعر سحب سابقت من ضمن غيرك وانت كلك امال = تحقق المجد كان الرب اراد وكتب امسابقات الشعر ماتقبل الاحتمال = يفوز واحد وياخذ حقه المكتسب ولافي هو الفارس اللي صال فكره وجال = الفارس انسان مبدع والجواد السكب اجاد وابدع وحقق مقصده والمنال = الرزق مضمون وحركة الاوادم سبب كامل لو الناس تكمل للكريم الكمال = سبحانه منزل الايات بابو لهب ذكرت نبذه بسيطة واختصرت المقال = والا المشاعر معينٍ بالوفاء مانضب واختامها عد مالاحت بروق الخيال = وعداد ماخطت حروف الهجاء بالكتب صلوا على محمد المبعوث رحمة وال = محمد الاتقياء اهل الحسب والنسب عوض عواض الغيداني

الله يبيض وجهك ياعوض الغيداني بهالقصيده اللي
تبيض الوجه ولاهي غريبه ان الخيال مع خيالها والنار من شبابها
واسمح لي اجاري قصيدتك حسب عرفي المتواضع

مبروك فوزك يالافي ياعقيد الثقال=في بر ولابحر حلال عسر النشب
انته جمل والثقال حمولها للجمال=تركي لها ماشكيت بهم ولا عجب
والمكسبة حزتها ماهو بحيل ومحال=لاوالله الا مضويها بسلم العرب
تزهى بكم حرب ربعك فاليمن والشمال=اهل المواقيف والطالات عز وحسب
نفخر بقولك وفعلك يوم وقت الجبال=حرن تعلا المنيف من الجبال ورقب
عزالله انك رفعت الراس في كل حال=كملت فالماقف وريعة كل الصعب
قدت القوافي بفن وقن فيه اعتدال=واليا كحلت الرموش يزين قوس الهدب
ماتبدي الكلمه اللي جت بقيل" وقال=لا والله تهيض الشعر نار وحطب
في وردها والصدور ودقها والجلال=ترقى كما نو براق الحيا لاحزب
ماتنطق الفال لين اتعرف ويش العقال=والبيت ساسه بنيته من خيار الطنب
معنى ومغنى برسم" حاز زين الخصال=تقدير ممتاز ناجح مثلكم مارسب
بالعز والجد ماهي بالعلوم الهزال=فعل" كما الشمس نور الشمس مايحتجب
ولا هي غريبه على لافي عزيز الرجال= غصبأ على اهل الحسد وابليس تحت الصلب
تقدير واعجاب وارفع باليمين العقال=للحر ذخر الصقور مكملين الوجب
تمت بذكر الله المعطي عزيز الجلال= سبحانه اللي يعين ويرزق المحتسب