الرنج

ياتل قلبي تلة الرنـــــج تله-------
--------يوم تلها من فوق ذيك الزباره
مايسبقه في سرعته كود ظله------
-----مثل الوحش لاشاف ذيك الحباره
اصله يهودي وسايقه عارف له-------
------ابيض جديد ماطاح عنه غباره
الفين وتسعه مكتوبله في سجله------
-------مجربينه من مصنعه في دياره
يطوي المسافه مقرب الخل خله------
--------وشارينه ماياخذونه بالاعاره
راعيــــــه مطنــــــوخ وجايـــــزله--------
-------ماهمه الربح ولا الخســــاره
من شوفته ياصــــاحبي ماتمله------
------دايم له وقــــــفة في الــصداره
ماتملكه اهل القلوب المغله-----
------ولا دوجــــــــو فيه مع كل حاره
له منزل وسط الحشا مستحله----
-----عشق الولع ماهو اماني وساره
مع سايقن كـــــــل درب يدله----
-----يحفظ قرار الكـــون ويعرف مداره
ارضن قفر هي طب قلبي ودواله----
----ماداجها القناص ولا شب ناره
زرع النفل والخزامــــــــي تبله-----
------مزنن من الهمال في كل غاره
مع صاحبن يسهر الليل كله------
-------دله وفنجال نــــــــــزود بهاره
رجل كريم ونا ســـــــــــــامح له-------
-------ماينتقي غير زين العباره
ذيب عوي والذيـــــــــابه عوا له------
-------والليل روح واقـــــبل نهاره
ياغافر الذنب دقــــــــــــه وجله-----
-------يامدبر الكون عـــــارف قراره
مع ركعتين ودمعتن مستهله-----
----- ندعي بها الله فاخــــــــر اسحاره
وصلو علي الي له الفضل كله----
------هو صفوة الخلق واحسن خياره

اللهم صلي وسلم عليك يارسول الله

صح لسانك ولاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	صح الله لسانك ولاهنت وسلم فكرك وبنانك دمت برعاية الله وحفظة

صح الله لسانك

وافي وقصيدك وافي لا عدمتك وتواجدك بينا هو غاية امانينا


تحياتي

اخوك

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح الله لسانك

وافي وقصيدك وافي لا عدمتك وتواجدك بينا هو غاية امانينا

شكرا على المرور

	[rainbow]صح السانك وبيض الله وجهك والله يعطيك العافيه وتقبل مروري[/rainbow]

شكرا اخي على المرور