الحوثي اللي يبيح القات والشمة

الحوثي اللي يبيح القات والشمّة=هويحسب حدودنا ملجأ لفيرانه!؟
فيرانه اللي براس الضلع ملتمة=مع فار فاسق وفسقه جمّع اخوانه
جرذي ويتبع بدينه راعي العمّة=من خلف شط العرب يرسل له اعوانه
جتهم على روسهم من عالي القمّة=من طايرات البواسل فوق ميدانه
ضيّع سلاحه وقام يصيح بالغمّة=في ضلع دخان صار الفار دخّانه
نزل لسفح الجبل والمدفع يخمّه=خمة عقاب السماء لاصف جنحانه
عوّد تنّكر وجاء لابس هدوم امّه=وجزاء معاريفنا في غدر وخيانة
وعاداتنا أي مخلوق نحقن دمه=والله يجازيه ويثيبه على إيمانه
الا السيادة نطقها عالي الهمة=صقر العروبة وسيف العز وحصانه
تبقى السيادة لنا غصباً عن الخمّة=اللي غدر قبلة الاسلام واوطانه
خادم بيوت الله اللي يعطي الذمة=للي تراجع عن الحوثي وذيلانه
اليوم سلط عليهم عالي الهمة=نايف حصان الطراد وخالد سنانه
صارالضحى ليل والليل إنكشف غمّه=من قصف مدفع لضرب حويث طربانه
وطيّار فوق الجبل ينجزله مهمّة=وكتايب الجيش للتّطهير عطشانه
اللي بكهف الجبل مخنوق بالرمّة=واللي طلع يقصفه جندي بنيرانه
لاما غدوا في سفوح الضلع شرذمّه=والنص الآخر تعفن جوف غيرانه
قتيلنا حي بالجنة غفرهمه=وقتيلهم نحسبه بالنار مسكانه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

[table1="width:95%;background-image:url('http://www.alhroob.com/vb/mwaextraedit2/backgrounds/197.gif');background-color:darkblue;border:6px groove green;"]

صح لسااااااانكـ واعتلى شااااااااااااانكـ

صح لسانك وبيض الله وجهك

الاخ الكريم : الحب الباقي

شكرا لك على متابعتك المستمرة
وروعة ردودك الدائمة

صح بدنك وبارك الله في اعمالك
تقبل وافر التحايا

الاخ القديرالشاعرمصلح المحمدي
صح السانك مليووووون وبيض الله وجهك
تسلم ياالذيب على هذي القصيدة الجزله والرائعه بروعة حضورك الجميل الله يعطيك العافيه
تقبل تحياتي وتقديري

صح السااااانك يا بو زيد

روح وطنيه متفجره وقصيدة واجب كما ان الدفاع عن الوطن واجب دائما سباق للخير يا بو زيد لا هنت وصح السانك

صح لسانك ملايين على هذه الرائعه
بيض الله وجهك وهذا دور الشاعر في مثل هذه المواقف

الله لايهينك ويديم نعمة الأمن والامان

الاخ الكريم/ مضحي بن جمران

لك كل الشكر على هذا المرور الغير عادي

صح بدنك وتقبل وافر التحايا

والطفها
ودمت بكل الخير