ديوان كسرات الشاعر / عبدالرحمن مساعد بن شريان الجحدلي ( الذراع )

قال ابو عبدالعزيز الأستاذ الشاعر / محمد بن سالم بن حمد

سلام ياللي ابعدت الدار=بطّلت حتى في جيرانك
ماعاد اسمع لكم أخبار=غير اتّصلنا بصدقانك

قلت له

يا مرحبا و المقدّر صار=ومن العجب قلت سبحانك
إنتم هل العز و المقدار=الروح ترخص على شانك

على شاطئ الهيئة الملكية بمدينة ينبع 17/1/1423هـ طلعت مع الشباب
خالد السيد
طارق الفارسي
منصور العتيبي
محمد العرابي
غرامه الشهري
احمد بكر فلاته
ابراهيم القايدي
حميد الجحدلي
مثيب العتيبي
محمد حجر
محمد اليوبي الله يرحمه
مطلق السبيعي
سليم القايدي

وقال الشاعر المبدع / طارق الفارسي :

يااصحابنا اليوم كمّلتم=واحنا بكم جد مسرورين
لعلها دوم جمعتكم=دايم على الخير مجتمعين

وقلت

يارب سلّم رجال الجود=وسلّم غرامه ابو مجدي
بالطيب و المرجله معدود=عزيز فالمنزله عندي

قال الشاعر / ماجد عبدالله الجدعاني

تجمّـع الدمـع وسـط العيـن=ويومـآ بعـد يـوم يتـزايـد
عايش على الهم مـن عاميـن=والحزن فـي حالتـي شاهٍـد

عبدالرحمن

إحذر من الهم ما هـو زيـن=يقضي على الـروح ياماجـد
اضحك مع اهل السوالف ليـن=تنسـى سبـب همّـك الكايـد

مـاجـد

قلي أجيب الفـرح مـن ويـن=والضحك عن خاطري شـارِد
أنا أشـرب المـر والمُريـن=وما أشوف حولـي ولا واحِـد

عبدالرحمن

لاتحسبـن العمـر عمـريـن=فانـي وحكـم القـدر نـافـد
لكن تصبـر علـى الحاليـن=ويحلّهـا منـشـي الـراعـد

مـاجـد

حالي علـى مفتـرق دربيـن=وماأضِّـد الأقـدار وأعـانِـد
مع الصبُر ماأنقضالـي ديـن=ماكَّـن عيـد الفـرح عـايـد

عبدالرحمن

حال العسر ينقضـه يسريـن=بشرى من المصحف الراشـد
الحـق واحـد ماهـو باثنيـن=الخـيـر قدّامـكـم واجــد

قال الشاعر القدير / فهد حميد بن عائش الجحدلي

واطرفي اللـي بعـد مالـد=وشاف الحسن كامل اوصافه
جـدد حنيـن الفـؤاد ورد=فيه الهـوى بعـد ماعافـه
والقلب لمـن حنينـه جـد=والود اصبح مـن اهدافـه
خايف عليه الآسـى يرتـد=ويشتد اكثر مـن اضعافـه

رديت له :

الطـرف لا تأمنـه يلهـد=ما يعرف الحق وانصافـه
يغريك لاشاف حسن القـد=يرمي على القلب إتلافـه
لكن تصبـر وكـف اليـد=ارجع إلى الحق واعرافـه
أخشى عليك الأسى و الحد=الحـد لـه رب ونخافـه

الـبـدع من الشاعر العملاق / فؤاد حميد ابــن عـايـش الجـحـدلـي

ردوا ذراع الأســـــد لـــلـــدرب=فالـمـعـركـة مــــاش فــرّاعــه
لجـلـه مـعـي بالـشـهـور يـغــب=بــا نضبـطـه وزنـــة الـسـاعـه

رديت له

آنــا مـعـك عـنـك مــا أجـنـّـب=لا جـــات هــوشــات ونــداعــه
دايــم نجـيـم الـسـمـاء يـغــرب=ويـعــود لا حــــان مـطـلاعــه

قال الشاعر / عبدالرحمن بن عاتق البيضاني

يابو شري عقرب الساعات = ما نبهتنا وردتنا
حتى الدقايق مع اللحظات = تمشي على حساب راحتنا

رديت له

أدرى على أجمل الأوقات=ان كان تبغا مشورتنا
لو يدري الحاسد الشمات=يمشي على عكس شورتنا

بن عاتق

أسألك لجلك عزيز الذات = ليــه المنــايــا تحدتــنا
ما تاخذ الا رجال ثقات = ومع باقي الناس خلتـــنا

رديت له

إصبر على قسوة الشدّات=يا تاج راسي و قدوتنا
وابشر بامانك من النكبات=صبرك يحقق بشارتنا

قال الشاعر / عبدالرحمن بن عاتق البيضاني

ما سلتني عن ربيع العام = والديرة اللي وصلناها
ضلعانها تتعب الاقدام = والعين ما ينشرب ماها

رديت له

خابرك ياصاحبي عزّام=تاخذ هوى العين ومناها
واليوم مدري عن الأعلام=اللي وقعتوا فبلواها

بن عاتق

ديرة عليها العباد زحام = ما استقبلت كل من جاها
والبكرة اللي بدون خطام = مرسولنا عود بلاها

رديت له

ابوظبي حطّم الأرقام=جلّل ذلوله و شفناها
واشوف سلطان بن وسّام=لرجال قحطان عبّاها

قال الشاعر/ الشريف محمد حبيب الله العمري من مركز هدى الشام وشاعرنا الكبير / ماجد عبدالله الجدعاني

عِّد المسافات والأميال=للي دعانا وجينالُه
سلام منا لكم فالحال=ينصّا المعزِّب وجيرانُه

قلت

هّل الفرح وإستراح البال=بوجودكم زان ميدانُه
يامرحبا ياأعّز رجال=من راعي النوب واخوانُه

الشريف & ابومديده

عسى البقا ياجويد الخال=والطيب مازِّحزِح أركانُه
هيا أستمع موجز الأقوال=والفن بانسمع ألحانُه

قلت

إنتم هل القول والأفعال=يارِبعة الطيب وأفنانُه
هات الخبر ياحسيِن الفال=يعجبني الفن وأوزانُه

الشريف & ابومديده

كان الصفا مِعتلي في جبال=عالي بصرحُه وبنيانُه
حياة صادِق وحي هلال=واليوم ماقّر ميزانُه

قلت

عيني بكت دمعها همّال=تذكّرت أول أزمانُه
مِن راح مايعود للمنزال=والله يبارِك في حيانُه

الشريف & ابومديده

هزاع كّلِم لنا مرسال=وألآ أنت ريس وربانُه
ويش الذي غيّر الأحوال=وكُل شي طيّب في آوانُه

الشاعر العملاق هزاع صالح

سد المخايل أشوف خيال=سحاب والخير في أمزانُه
واللي لفا للبلد نزّال=لُه حق ماينّكِر شانُه