ديوان/ ابراهيم بن محمد السليمي .

يا صاحبي عزت نفـوس النشاما= وش خانت الدنيا على شان تنهـان
اهل الوجيه اللـي تضـد الظلامـا=واهل النقا واهل الوفا واهل الايمان
اللـي لهـم بالعـز ذروة سنامـا=ما هي لمثلك ياريش العين نيشان
انا ادري انه صـار فيـك انجامـا=واصابعك ماهي سويـه و سيـان
صيدتك رجلن بالمواقـف اهلامـا=ماله مع زحول الرياجيل مسكـان
من مكسب الدنيـا يدينـه توامـا=ما له رصيدن بالمراجل ليـا بـان
نومه على ما قيل ريـش النعامـا=ما جتله الدنيا غرابيـل واحـزان
هذاك تلقى بـه جميـع المرامـا=لقلت له بالحيـل ولهـان ولهـان
يجيبها مـن عنـد بابـا و مامـا=اهم شي انك فـلا تبـات زعـلان
رح له عسى دربك و دربه ندامـا=ما هي لحانا يا مكحلـة الاعيـان
حنا هوانـا شيختن مـا تسامـا=ما سامها طعنة قفا شخص خوان
بدروبهـا مـا تقتفيهـا مـلامـا=بنت الرجال اللي بلا سرج و عنان
حياتهـا بيـن النفـل و الخزامـا=ما دوجت بالسوق في حـزة اذان
تلبس و لكن مـا شقـت باللثامـ=االبرقع لطينة هل البنـت عنـوان
في ظل شيخن يوم حان الزحامـا=تشهد له الاعدا على كـل ميـدان
زبدة كلامي بعـد حـان الختامـا=لا تتصل بي و ابتعد و انس ما كان
ابا تجنب عنـك و اقـرا السلامـا=واقول تلقى لك مع الدرب خـلان