ديوان الشاعر : شريف بن راكب الفريدي

ابجتهد والمجتهد يمكن يصيب = واليا حصل زلت خطأ غصب عني
جميع ما اقوله حصيلة تجاريب = ما اقول قالوه الجماعة وظني
منشان ظاهرةٍ على المجتمع عيب = ما ودي أتركها سدى وتغبني
نصيحةٍ لمظايقين المعازيب = فسح المجال لغيرهم والتأني
صدر المنصه لايودي ولايجيب = مايرتفع قدرك ولاهو مدني
انته هو انته لا مهلهل ولاكليب = ما تنقلب باشه اليا صرت جني
الحق لضيوف الشرف والاجانيب =هديةٍ لاصحاب الالباب مني
والكبر ميزه من كبار العذاريب = للي معه مثله قرينه يغني
ليا صفّط المشلح وشخّص على الجيب = وصوّر له المطرود عرش التمني
يشوف كل الناس قدمه دباديب = لو ما يقل فلان ما قل سني
ما في كلامي لاتصنّع ولا ريب = وجهت للمقصود رمح المطني
عسى الزعل له عويتن في قفا ذيب = الخيل في وسط المرابط تعني
والا ترى الطيب معه يمشي الطيب = لو صار في قاعٍ عجاجه مقني
لو مسكن الطيب مثل خيمة شعيب = تعرف ولايعرف قصور الهبني
كلٍ تهمه غيبته عند مايغيب = ويقال للثاني عسى مايثني

شريف بن راكب

[/quote]

عديت لي في راس عيطاً من العيط=لو يسهي الطيار لحظه صدمها
اضنها اللي طاح من راسها مقيط=آخر حياته يوم عدا هرمها
بقيت لين من التعب صرت ما حيط=رجلي من الوقفه تخدّر قدمها
وأخذت من جزل المثل شبه تلقيط=ومهما يكون المستمع هو حكمها
وان كان ما شادوا بهن صح بقليط= لاطافت العمله تغير سهمها
صحيح بالأرياء تراجع وتقليط=مثل السهام الواطيه من قممها
ذكرت ساعات الندم عقب تفريط=ما ترجع الفرصه لمن لا اغتنمها
ولاينفع الميت عن القبر تحنيط=والروح خلاق البشر مستلمها
تبرا الجروح وجرح الايام ما يخيط=اللي معاليق الضماير قسمها
في عشرت الخاين تورطت توريط=حيت وحل حطيت رجلي بفمها
صدّقت هرج مربط الهرج تربيط=وطاوعت ناسٍ ماتبري ذممها
يا اصحابنا مالي عليكم مشاريط=الطيبه عنوانها هو علمها
والعشره اللي ما وراها مصافيط=متعادلٍ وجدانها مع عدمها
تصير مثل بنايةٍ دون تخطيط=منين ماجاها التعري هدمها

[/quote]

	خلاص يالصاحب معي لاتخسّر=ما والله ارفع لك على الراي رايه تبي من المعنى آخذ اللي تيسّر=وانا انفراد القاف عندي هوايه ياصاحب الفكره تراني مجسّر=بتاييد من ناس ٍ ورا مستوايه احدٍ يعسر القاف لجل يتعسّر=واحدٍ يعسره منطقه بالقرايه لاحظت يوم ان المعاني تفسّر=اشراف قوم ٍ تتهم بالهمايه و اخاف من سرقة خطاة الموسّر=من البيوت اللي عليهن حمايه لوكان قافي ياعزيزي مكسّر=والله لعدّل بالنصيحه خطايه ما اصادق الغلطان لين يتحسّر=ولا اضحك على الغاوي تجي لي غوايه

[/quote]

	اسمعوا ياهل الوفاء موجز اعلاني =بعد رحلة متعباتٍ ركايبها كلمةٍ من واحدٍ مسني وساني=عارفٍ وشو مداها وحاسبها اجتهدت بنشرها قدر الإمكاني=وارجي اني كل الأهداف صايبها ياكريم المد وآل الإحساني=ان تجيب لطلبتي ما تخيبها ياوسيع الملك ياعالي الشاني=لا تنزل من هواهم مهببها بيض الله وجه من قيل بدراني= من مبادي شرقها لين مغربها ما أقدر أمدح واحدٍ وأترك الثاني =ليتني كل الأسامي مغيبها وصفهم بالمجد ماهو بالألواني=كل عادات الوفاء عنهم أنسبها مثل غيثٍ فاض من غر الأمزاني = لو جرح عال الروابي يطيبها مكرمين الضيف والجار والعاني=عملةٍ مثل الذهب من تجاربها روضةٍ في وسطها خضر الأغصاني =ما طلع من طلعها ما يعيبها وقلعةٍ من معجزة فكرة الباني=ما يعرف الخوف منهو بجانبها وماكرٍ بملولحٍ يتعب الجاني = ماتت أم مقيط حره مشيبها فعلهم للمجد من كثر يخفاني =عارفٍ ما كل الأخبار جايبها والله إني لنطق الحق بلساني =والأصايل توصل اللي معربها قبلهم للسب والمدح ماداني =سيرة العالم ضميري مجنبها لكن الموقف جبرني وخلاني = أفتخر في ناسٍ تنصى مضاربها ولو أعد من الوفاء كل ماجاني =كان صار الثامنة من عجايبها والسموحة كان عندي غلط ماني =قاصده واللي رواسيه ناصبها الوفاء مذكور من نوع الإيماني =فرجةٍ من يجهل الطيب هايبها وكل شخصٍ عارفٍ ماكسب فاني= ولا تعدى الروح تربة نصايبها والتجي في ظل من كان ياراني=طاعته بلغ بها الرسل واوجبها حاكمٍ صلى على خيرعدناني =خالق الدنيا ملكها مراقبها ومن حكالي ضدهم صار دياني =عشرته لو هو صديقي يخربها وأختم المكتوب باسمي وعنواني =مع نسيمٍ عابرٍ من غيوم أبها

الشاعر // شريف محمد الفريدي