مهزلة شعب

جار الزمان وقام يكسف وميضه =والظلم حلّ وغيّب العدل حاميه
والحل بيدين القلوب المريضه = والشر زاد وصاحب الدين يخفيه
كل يشوف الكارثه والغميضه = والكفر يعلن به مع الناس راعيه
الظلم ينشر في البلاد العريضه = وبن البلاد اللي له الراي راضيه
واللي يحب الخير يمشي بغيضه = وان كان صاحب حق كل يعاديه
والمعتدي طالت عصاه الغليضه = ماجا على دربه برايه يمشيه
وفعل الجريمه والمجامل فريضه = على الزعيم اللي عدوه يبديه
الضعف واضح والمواقف بغيضه= أخس جندالله يعلن تحديه
والوضع مابه لاهل الصبرعيضه = مادامت المامون مالله بهاديه
ليا بان في وجه المبلّم جضيضه = كل العيوب اللي بغيره بدت فيه
ليا سعى في عدل حمّل نقيضه = راع النفاق بكلمة الزوريرميه
من عالي المبنى يحط بحضيضه = تلفق له التهمه وكل يعاديه
واللي فقد من حق مايستعيضه = الحق يلعب به بلا حق حاميه
ظلم وجرايم فايضه مستفيضه = والسيل جنب وانتحى عن مجاريه
واهل المجاهر بالرذايل حظيظه = والحق كل في مزاجه يسميه
وقت كما مزن تقطع نفيضه = زل محسوبه والهبايب تلاحيه

ــــــــــــــــــــــــــــــــــــــــــــــــــ ـــــــ
الاوضاع الفلسطينيه وماجرى ويجري

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

لله درك

صـح لسـانـك

ولاهنت يالذيب

ابو خالد الله يبيض وجهك قصيده تحكي الواقع جزله من شاعر جزل

صح الله لسانك
ولاهنت
وسلم فكرك وبنانك
دمت برعاية الله وحفظة

لاخوة الكرام :.
فهد الغنمي
الحب الباقي
تركي بن بجاد
سعد المحمدي
يخيتان البشري
مروركم شرف وتأييدكم كرم اشكركم مح المحبه مني لكم

ابو خالد الله يبيض وجهك قصيده تحكي الواقع جزله من شاعر جزل

ابو مشاري
حياك الله وشكرا على مرورك مقدرا لك هذا الاطراء

صح لسانك وسلم بنانك



قصيدة رائعه بروعة حضورك



لك تقديري