تكلم على كيفك ليا هزك الشوق

فيصل الرياحي=
هلا مرحبا في حفلت الاد مرزوق=هل الوجه الابيض والسلوم الرفيعه
ياصياف ابا اغني على كل طاروق=ماضاقت علي ولا عليك الوسيعه
صياف الحربي=
لعل البقا والمدح للربع مسبوق=على الواجه الابيض ثم حسن الطبيعه
تكلم على كيفك ليا هزك الشوق=ونبغا العلوم الطيبات السريعه
فيصل الرياحي=
على قول قايل كل مطرود ملحوق=وكلش سمح بالحرب حتى الخديعه
طيور الشجر يمومي لها كل جملوق=وغير جبال ولا تغير طبيعه
صياف الحربي=
ياكثر الرجال اللي تقضى من السوق=ولاكن في لحظه تضيع الوديعه
اضنك سوات النجم حولت من فوق=وسويت في بعض الجماعه صنيعه
فيصل الرياحي=
لقينا كلام الليل فالصبح مسروق=ولا عند راع الكذب فاللي يبيعه
انا ماجعلت الناس مسروق مطروق=ترى الرب واحد فوق سنه وشيعه
صياف الحربي=
اخذ علطته وقفل عليها بصندوق=على شان غلطه وحده لاتبيعه
لو ان الشجر مايحمل اغصان واعروق=قطعناه يافيصل في وقت القطيعه
فيصل الرياحي=
على ماطرالي قلت والكحل مسحوق=على شان من فالدين سوى بديعه
لو ان الحمامه فكها الله من الطوق=ماحلت مصايدها ببحكم الشريعه
صياف الحربي=
انا عارف انك لك قوانين وحقوق=ولا بد ترضى الصبح ولا تبيعه
شبكها حكيم وراسه ابيض ومحلوق=وبعض البشر ساحر وكلن يطيعه
فيصل الرياحي=
ليا خيلت ثم جالها ارعود وبروق=ترى راس مالي فالحصون المنيعه
ترى السحر مايطرح على الملح والذوق=ومن يقطع الحسنه عساه القطيعه
صياف الحربي=
لقينا سبب فاروق بن عم فاروق=ليا مر نهر النيل اخذله مذيعه
ماله لزوم وياخذ الطاق مطبوق=وابوزيد ينجح بالفرس والقليعه

بيض الله وجهك . ولاهنت على النقل

رحمهم الله واسكنهم فسيح جنانه

محماس الحربي
بيض الله وجهك يالغالي
والله يطول بعمرك
ورحم الله افضل شاعر عرفته ساحات المحاوره
صياف بن عواد بن شميلان السحيمي
رحمه واسعه واسكنه فسيح جناته

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك

بيض الله وجهك على النقل