الشاعر الكبير /عليان بن علي الصبحـــــي

السلام عليكم ورحمه الله وبركااته
مساااءكم الله بالخيرر يااربعي
هذه احدى قصائد الشاعر الكبير / عليان بن علي بن شميلان الصبحي السالمي
في القنص

العفش شد و لا بقى له توالي=على الجيوب مفشخات البوالين
صفط و حمل كل طيّب و غالي=يبغى الصباخي و السهل و الضلاعين
كلآ طراله عشق وانا طرالي=عشق الاحرار و طيبات الشياهين
جيت العزب ولا ان فيها الرجالي=و قرشع حمام و قرشعين السمامين
و دكة و مجلس و في النصيفة دلالي=و التمر و الابريق جنبه فناجين
و الطير فوق الوكر حطة شمالي=و اللي يزيّن في الشبك جالس يمين
ربعٍ تحيي ضيفها ولا تبالي=لذبحة خروف الضيف من قبل ضارين
الفجر لا صفي الندى و الخيالي=و شيف السويبع قالوا القنص هالحين
القنص حل و حل وقت المجالي=وهوّاية المقناص يأتون عجلين
تلقى الجيوب الصبح وسط الرمالي=و راع الونيت يدوّر الصافح يمين
و ان كان شافوا طير يم الطوالي=تزاهموا و اقفوا سواة البراكين
تجمعوا عنده عيال الحلالي=دايم على شبك القرانيس ولهين
هذا ولع ما هو طلب رأس مالي=عند الفقير و عند ناسٍ ثريين
لا حل وقت القنص شد الرحالي=و خلى العمل و البيت وام الوراعين
و شهرين كمل بالوفا و الكمالي=في شرحة الخاطر عسى الخالق يعين
أما طرح ولا على الطيب فالي=أنكف و عاد سنين من بعدها سنين
لا بد ما يخلط مراره بحالي=لو التعرف بالرجال الوفيين
من عارف اهل الطيب نال المعالي=في العرف و المعروف و الصدق و الدين
وهذا هو المقصود من أول و تالي=قولٍ وكاد و لا يبي له براهين
و صلاة ربي من يمين و شمالي=أعداد من حجوا و وقفوا ملبين
على نبي أنهى جميع الشكالي=محمد رسول الله إمام المصلين

الاخ ناهس الشعيفاني مشكور على النقل الرائع وصح لسان الشاعر عليان الصبحي
تحياتي وتقديري

الاخ ناهس الشعيفاني بيض الله وجهك على النقل الرائع وصح لسان الشاعر عليان الصبحي

[rainbow]الله يعطيك العافية على النقل الرائع
مشكور[/rainbow]

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك