قصيده وجهتها للشاعر خلف العنزي

من فوق جيبٍ معتني به خبيره =متعدي الإلفين باربع موديلات
ناقيه من جملة جيوباً كثيره= وسجلت شيكه بعد شفت الضمانات
أوراق فحصه وقعت من مديره=فاحص عليه مهندسه بالجهازات
اجتاز كل الفحص قبل الظهيره= ومن المرور مخلصينه بلحظات
ارسلت من يقطع عليه المسيره = مايمل لو طالت عليه المسافات
لاقلت تكفى ماتعقد نظيره =ضاري على مشي الدروب البعيدات
قدام نور الصبح يطلع نذيره =مشي عسى ممشاه كله سهالات
غير الكتاب وسايقه مع سبيره=عليه ماحطت حمولاً ثقيلات
ياسايقه لاجيت ذيك العشيره =عيال وايل كاسبين الجمالات
ستر العذاري في نهار المغيره= لا سيقت العطفه ولجوا بالاصوات
فوق المهار وبالسيوف الشطيره= ياما خذوها غصب ماهي حيالات
يجذبك يم معشي الضيف نيره =الخمعلي ريف الركاب الهزيلات
عليه سلم لي مدله قصيره=وعطه الكتاب اللي معانيه جزلات
خلف زبون اللي ظروفه عسيره= ان حدته سود الليال المخيفات
يا لخمعلي جاني على الشعر غيره =كثرت قنواته ونشر المجلات
كلاً على الساحه يدرهم بعيره=اهم شي ايشاف باحدى القنوات
نشوف ياريف الخوي يامجيره=اللي على الشاشات يظهر على الشات
لاقلت ماهذا الشعر صرة عيره= وقالوا زمان اللي تبي ياسعد فات
حاسوا وداسو يالثبيتي مريره=اجسام دون عقول فوق المنصات
وامثالكم شعار شبه الجزيره=اللي لهم على معانيه بصمات
محاربين من الوجيه الشريره=والعذر عصر العولمه والحدثات
اعذار يامشكاي عمي البصيره=معادلين الطيبه بالرديات
قلته وانا يالقرم ماني سفيره=ولاقول فيه ارقبت روس الطويلات
ياناضمه ياناقده ياخبيره=وجهة نظردونتها وسط الابيات
رايك عسى رايك لنا فيه خيره=حيثه يجي صايب والافيه هفوات
حنا نجيب الاوله والاخيره=ولاالسكوت اخير في بعض الاوقات
والعذر منكم يالوجيه النويره=اليا حصل تقصير منا وغلطات

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشااعر المبد ع والرااائع
سعد المحمــــــــــــــــــدي
صح لسااانك يالغااااااالي
قصيده تغني عن الاف القصااائد
بيض الله وجهك على هذا الابدااااع منقطع النظير
ننتظر جديدك يابن العم

الاخوان
الحب الباقي
ناهس الشعيفاني
الله يبيض وجيهكم ياعيال العم على التشجيع المستمر وهذا يدل على طيب معدنكم

الشاعر المبدع:
سعد المحمدي
صح لسانك و بيض الله وجهك و الإبداع ماهو غريب عليك

الشااعر المبد ع والرااائع
سعد المحمــــــــــــــــــدي
صح لسااانك يالغااااااالي
قصيده تغني عن الاف القصااائد
بيض الله وجهك على هذا الابدااااع منقطع النظير
ننتظر جديدك يابن العم

حاسـوا وداسـو يالثبيتـي مريـره ***** اجسام دون عقول فـوق المنصـات
الشاعر وابن العم سعد المحمدي
بدون مجاملة قصيدة قوية ومعنى قوي من شاعر له حجمه ووزنه
اطال الله عمرك اخي الكريم وبإنتطار جديدك المميز
تقبل تحيات بن حنتوش المزيني

الاخوان
حميدان العوفي
ابو مشاري
بن حتوش المزيني
مروركم شرق لي الرجال من دون ربع مايسوا شي
الجماعه ان اخطيت عدلوني وان صبت شجعوني الله يديم عز ربعي حرب حرابة الدول تقبلو تحيات ابنكم سعد المحمدي

الشااعر المبد ع والرااائع
سعد المحمــــــــــــــــــدي
صح لسااانك يالغااااااالي
قصيده تغني عن الاف القصااائد
بيض الله وجهك على هذا الابدااااع منقطع النظير

الاخ الغالي الشاعر سعد المحمدي

صح لسانك وعلا شانك وسلم بنانك

قصيدة وافية في مبناها ومعناها

لك فائق احترامي وتقديري