ديوان الشاعر الكبير / مرزوق بن مبشر الحثل المزيني

السلام عليكم ورحمة الله وبركاته ...

الشاعر الكبير / مرزوق بن مبشر االحصني المزيني من قصائدة هذه الرائعة ....

.مشاعر مواطن يعلنها في مهرجان ومزايين قبيلة حرب في منطقة القصيم عام 1427هـ

جيت أبارك وأشارك في تراث الجدود=يوم نادي المنادي وأعلنـوا بالزيـان
شرق عرق النفود وغرب عرق النفود=اختيـارٍ موفـق موقـع المهرجـان
خبّتة النقع صـارت ملتقـى للوفـود=بأول أيام عشرة بعد عيـد رمضـان
بفضل رب البرية ثم بفضـل السعـود=الرخاء والتواصل والأمـن والأمـان
مبهميـن العقـود محلليـن العقـود=القيـادة جــدارة والإدارة إتـقـان
التقـي بالتعامـل والوفـا بالوعـود=و العطا بدون منه والعمـل باتـزان
للوطن والمواطـن باذليـن الجهـود=لين صارت بلدنا ذو مكانـة وشـان
قبل عهد السعود لا وطـن لا وجـود=لا وطن لا مواطن لا حكـم لا كيـان
وفي ظلال السعود العدل يمشي صعود=كل قاسـي تحـول للمواطـن ليـان
يا وطنا وطنـا مـا لخيـرك حـدود=أنت من جار كربه في كرمك استعان
يا رفيع المكانة رغم خشم الحسـود=أنت باذن المهيمن بالشريعة مصـان
انت منبع رسالة , انت منهجك جـود=أنت قمة بنوهـا كاسبيـن الرهـان
انت بيت العروبة يا عريـن الأسـود=أنت مرجع وملجأ باختـلاف الزمـان
انت حبك ومجـدك كـل يـوم يـزود=أنت باطن وظاهر فوق شعر وبيـان
باختصار العبـارة كلنـا لـك جنـود=يا وطنا نمـوت ولا نعيـش بهـوان
لك ولانا ووفانـا والعهـود العهـود=حنا أهلها وأهلها بموقـف الامتحـان
الـولاء وارثينـه للملـوك السعـود=بيعة مـا تعـود عشرهـا للثمـان
وكل فرعٍ لساسـة بالشدايـد يعـود=الرخا ما يبيـن و القسـا ترجمـان
ومن بلحمة ودمه بث سـم اليهـود=ومن تسمّم وجند من فـلان الفـلان
ذاك خاين وخاين معتـرف بالجحـود=وخاين العهد والمعروف ما له ضمان
للخـوارج مزابـل ببغـان الـقـرود=لعن أبو مـن تبنـي فئـة الببغـان
المرض بالضماير والجرب بالجلـود=والعقول مغسولة في سموم الجنـان
بنار من خان دينه صار رأسه وقـود=وذا جزا من يفضل عيشته بالطمـان
الطمانـة تخـاذل والتخـاذل بـرود=واكبـر العيـب ذاك عاهـد وخـان
يشهد الله وخلقة والمواقـف شهـود=والبراهين تشهـد والمـزور مـدان
ما نعيش بطمـان ولا حيـاة الرقـود=اسمنا من عملنا حسب لفظ اللسـان
بين سلمٍ رفيـع وبيـن مـر الكبـود=سلمنا من وفانا يشـار لـه بالبنـان
والنهأيـة تحيـة والمعـانـي ورود=وصادرات المعاني بالكـلام السمـان