ديوان الشاعر الكبير / مرزوق بن مبشر الحثل المزيني

السلام عليكم ورحمة الله وبركاته





الاماكن تثير الذكريات والمشاعر تتأثر بما تراه العين والقلب يحزن والعين تدمع وفقد الاحباب تأثيره يفقد الصواب إلا من رحمه الله...
والتعبير بدون تذمر من القضاء والقدرجائز وذكر الاموات بمحاسنهم مححب...
الابيات التالية: افرزتها مشاهدة منزلي المغفور لهما انشاء الله محمد بن عبدالله العسيلي ...و حنيضل بن مبشر الحصني اللذين انتقلا الى رحمة الله مطلع عام 1425 في حوادث متفاوته نسال الله لهما ولجميع اموات المسلمين الرحمة والمغفرة

ياهلال حزني من بعـض ذكرياتـي=إذا شفت بيت وبيت مدري وش اقول
من دون لا اشعر تظهر الخافياتـي=مهما يكون الجهد بالصبـر مبـذول
تذرف عيونـي دمعهـن مجبراتـي=حزن الفراق وحمل الاقدار محمـول
اسـأل مـن عنـد الكريـم الثباتـي=لا افقد جمال العافيـة مثـل بلهـول
يالخالـق الـرازق بديـع الصفاتـي=اجبـر عـزا قلـبٍ متيـم ومبتـول
علـى عضيـدي مسنـد الواجباتـي=اللي على فعـل المـروات مجبـول
وعلى صديقـي صاحـب النايفـاتي =كل حال حسام مسقى ومصقـول
احس مدري فـي محيطـي وذاتـي=من بعدهم كني عن النـاس معـزول
في سيرتي في يقضتي فـي مباتـي=ماتقول اعيش بكون بالناس ماهـول
فيهـم تهيـم بوصفهـم مفـرداتـي=ومعهم احساسي معظم الوقت مشغول
اسعد برؤيتهـم وانـا فـي سباتـي=وانا في وضع به الاحساس مشلـول
والله لـو ماخـاف ذنـب وشماتـي=لا عمل عمل لو كان ماهوب بمعقول
لــوادع عيـالـي ووادع بنـاتـي=واختار قصر المرحلة عن عنا الطول
ولولا الامل فيما بقـى مـن حياتـي=واعمل عمل لله ماهـو لاجـل زول
لعل يكتـب لـي دعـاي وصلاتـي=في موقف معلوم ماهـو بمجهـول
محصي كتابـي سيتـي وحسناتـي=ماحط بكتابـي انـا عنـه مسئـول
لـي وعـلـي ادانـتـي وبـراتـي=ماينقـص الواقـع ولاهـو بمدبـول
إلا برحمـة مـن لـه الكاينـاتـي=تسجد لوجه خوف من موقف الهـول
الحي من يحسب حسـاب المماتـي=والميت اللي حـي والقلـب مقتـول
وازكى كلام يقـال وازكـى صلاتـي=على الرسول اللي بالأسلام مرسـول

الشاعر الكبير/ مرزوق مبشر الحثل الحصني المزيني