علي الحصني وصياف الحربي رحمه الله

صياف =
الصحافه تنشر الاخبار في وسط الجريده = يا قبايل حرب وين الحصني اللي يذكرونه
بعد حطينا الحطب بنار وحميناء الحديده = الجماعه يسكنون الضلع ولا يتركونه
علي =
الصحافه ما تجيك الابلاخبار الاكيدة = بارك الله با الجنود اللي علمهم يرفعونه
انت بن عواد لو نفقدك يا كبر الفقيده =واحدن ما يرتفع من قوته لاترفعونه
صياف =
بندق الشاطر مع القدره مراميها بعيده =والهدف لوهو وراء الضلع الطويل يعرف لونه
ما تدوم الضحكه الزينه والايام السعيده = والرمي لالادمي نوبن وراه ونوب دونه
علي =
علمونا والكلام الزين با المجلس نعيده= والحيا هاتو علومه والدهر لاتذكرونه
لو يموت الشيخ عيد الهوش عند زمام عيده = مار عيد مخوف العربان لو طاحت سنونه
صياف =
خلص اليله وبكره بيني وبينك وعيده = والمحنك ما يخل السوس يا كل من سنونه
ارسمو علمن جديد وصلحو خطه جيده = والطعام ليا لصق تحت الجماء لاتاكلونه
علي =
يا عساها يا وسيع المعرفه جمله مفيده = مشكلت ضلع المدينه ما حدن يكشف ركونه
السحيمي سامعله سالفه مدري قصيده = جابها اللي كت ما با الكيس قبل ينشدونه
صياف =
ما يغش الناس غير اللي يعصدون العصيده = والمصاويط اربعه والخامس اللي يشترونه
الله انه لايبارك بشيا طين المريده = ذاك يرمونه على الحفره وذاك يطلعونه
علي =
ما يغش الناس غير اللي يلا خبط با االعقيده =والعرب من طبعهم قول الكبير يصدقونه
العلوم اللي تسولفها تراء ماهي جديده = والبشر ما يملكون الرزق حتى يمنعونه

فحلين من حرب

صحت السنهم ورحم الله صياف

عقيد الخيل
مشكور على النقل
ورحم الله الشاعر صياف الحربي
وطوالله عمر الشاعر علي الحصني ومشكور

انت بن عواد لو نفقـدك يـا كبـر الفقيـده =واحدن مـا يرتفـع مـن قوتـه لاترفعونـه

الشاعر صياف الحربي لابديل له وصدقت يا علي يا كبر الفقيده
نعم فقيده على حرب خاصه وعلى الساحه عامه
اقول رحم الله صياف وسلمت وطال الله بعمرك يا علي الحصني
ويا كبر الفقيده



ومشكور على النقل يا عقيد الخيل

ارسمو علمن جديـد وصلحـو خطـه جيـده=والطعام ليا لصق تحـت الجمـاء لاتاكلونـه


الله يرحم ياصياف ياشاعرالخليج


ابو فارس شاعر ولكن وينه من الحفلات ؟ هل التقصير منه او من اصحاب الحفلات خاصة حرب

سلمت يمينك على النقل الرائع

ورحم الله الشاعر صياف بن عواد

وحفظ الله الشااااعر أبو فارس .

عقيد \ الخيل
مشكور جزيل الشكر على النقل
رحم الله صياف شاعر الخليج وطول الله عمر ابو فارس واقول ما قاله اخي حمود الغيداني
وعلي مثل غيره من شعراء حرب لم يعطون اهتمام مثل منور المعمري وفلاح السحيمي وجبر الزبالي وغيرهم يعني حرب لايهتمون بشعراهم شوف راشد السحيمي لايلتقى بكبار الشعراء الا عند الاجناب
ولاصار الحفل عند حرب تلقاء اللي معه كلهم يتعلمون

رحم الله شاعر الخليج
و مشكور على النقل

رحم الله صياف السحيمي رحمة واسعه

وصح لسان الشاعر علي الحصني ابيات جزله من الطرفين

بخصوص سؤال حمود الغيداني
اعتقد والاكيد ايضاً ان القصور من اصحاب الحفلات وليس قصور بل ان اكثر اصحاب الحفلات من حرب لا يعشق هذا الفن وجهة نظر
كما اني اذكر في لقاء مع فلاح يقول ان اكثر الدعواة اللتي وصلن له من خارج القبيله ؟!!!! وهذا يثبت مانقول
وغيرهم الكثير

اشكر الجميع وبالتوفيق للحصني وللزملائه

أ خي الحب الباقي
مشكور على الاختيار والحقيقه انها من اجمل المحاورات