المنتخب غايب!!

يا ميرنا سلطان، يا مير نواف=شوفوا لنا حل(ن) لهذي المصايب
المنتخب تعبان في كل ميقاق= و اليوم هو مع "كوريا" كان غايب
كان اللعب ميت بوسطه و الاطراف= و هجومنا باحسن مزاياه خايب
يلعب كأنه فايز بخمسة اهداف= و الا كأنه لاعب(ن) مع حبايب
أنتم بذلتوا ما حسبتوا، و باسراف= و للمنتخب يسّرت كل السبايب
تحت قيادتكم عواجيز و سفاف= كل الرئاسه بس: ريِّس و نايب!
كوِّن فريق(ن) للمتابع و الاشراف= ما فيهم منافق و لا فيه شايب
وقت "ابن ناصر" يا طويل العمر طاف= و لهوب نافعكم ببعض النوايب
و الراس ما هو مرتفع دون الاكتاف= و عليك بالتغيير تلقى العجايب
و الفوز بالملحق مهونه و ينعاف= و لا تحسبوا "البحرين" سهل الحرايب
و عقبه "نيوزيلاند" قويه و تنخاف= و ان كان مثل اليوم، دنّ النصايب

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانكــ

أخوي الصييفي والله يعطيك العافيه


ولاكن


هل من مجيب

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك اخوي الصيفي وبيض الله وجهك

وعلى فكرة هذه أول قصيدة تكتب عن المنتخب بمناسبة خاسرته من كوريا

ومشكلتنا اننا نتدخل بالتشكيلة رغم وجود مدرب عالمي دفعنا علي الكثير من الدولارا ت.

صح لسانك ماقصرت
وبيض الله وجهك
ويعطيك العافية
لكن لا مجيب
تحياتي

صح لسانك ملاييييييييييييييين



شاعر جزل اطرب لقصائدك



لك تقديري

صح الله السانك


قصيدة عانقة السماء بجزالتها وأبداعها

تحياتي لك

الأحبه:
عـقـيـد الـخـيـل،
حمود الجابري،
بن فرهود الحربي،
الوافي الوهبي،
ياسر الهنيدسي،
أبوليلى،
و
قناص البرامج،
أشكركم على حضوركم المشرف و تعليقاتكم الجميلة
شرفتوني بجضوركم.
لا عدمت تواجدكم

يصح لسانك يالشاعر

ولاهنت على هالشامخه

إحترااامي’,,