بمناسبة صيفٍ مراسيله أجداد

بمناسبة صيفٍ مراسيله أجداد
هذه القصيدة شاركت فيها في المسابقة الشعرية الذي أعلن عنها المنتدى الثقافي في مدينة الطائف حيث طرح المنتدى مسابقة شعرية في قصيدة تكلم عن مدينة الطائف وشاركت في هذه القصيدة من ضمن المشاركين في ذلك الوقت : والقصيدة قديمة

بمناسبة صيفٍ مراسيله أجداد = سجلت بالطايف بيوتٍ إجزالي
مدينة الطايف عليها المطر جاد = يبرق ويرعد في ثقيل الخيالي
عليه من نوّ المزابير رعاّد = غرٍ يحلبن القراح الزلالي
سيله تحدّر من قرى كل منقاد = من روس سود مشمرخات ألجبالي
يسقي ورودٍ كنها القطن لباّد = يطرق ذوايبها نسيم الشمالي
كم دوحةٍ تبدي ورى المتن من غاد = غصينها من عالي الفرع مالي
على غديرٍ فوقه المزن رجاّد = يرجد هماليل المطر باحتمالي
دارٍ جمال ورودها تقل سجاّد = تلبس على الفن البديع الجمالي
عذراء هوى وردت على القلب ميراد = تضحك بحلوات ألثمان ألجوالي
يامهرةٍ ما كل سايس لها قاد = تاطى على صم العظام ألجلالي
شقراء ثنية ما شكت قلّت الزاد = تنعم بلذاّت الترف والدلالي
سمعت يالطايف عن الشعر نشاّد = ورخصت مطروقٍ بعيد المنالي
لعيون ريحانٍ على باقته زاد = رمزٍ لشم النايفات العوالي
عساك يالطايف من العيد بأعياد = في قدرة المولى عزيز ألجلالي
تلعب بك الورقى على كل مياّد = بفروع دوحٍ غيّمن بالضلالي
دارٍ لها بالغيم مجلس وميعاد = كان أنت عن شيخ المصايف تسالي
فيها الهوا يجلى عن النفس الانكاد = جوٍ لطيف وغافل القلب سالي
وحدايقٍ بأطرافها الطير غِراّد = يقطف ورود مغانجة كل عالي
باد الجديد وموسم الصيف ما باد = تضربه الأمثال أول وتالي
كم جهزوا من نجد قطّاع الابعاد = عليه شالوا كل لازم يشالي
أطراز لند كروز للبيد جلاّد = يزمي بوسقه مرخصين ألريالي
يجذب هم الطايف جماعات وأفراد = لو ضيعوا قدرٍ من الوقت غالي
دارٍ هواها من جميلات الاوهاد = عبير ريحانٍ من المزن سالي
أنا شهد انه فوق مدن الوطن ساد = مثل الثريا في قران الهلالي
ماشفت مثله بين ريضان وبلاد = قبلي عمر يقول ما له مثالي
خضرة وغيم ومهرجانات وجواد = ومي ونسيم ومعسلٍ فوق حالي

شعر \ نافع الحربي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

عقيد الخيل هلابك أشكرلك مرورك العطر
وأسعدني ذالك لا هنت

صح لسانك
وبيض الله وجهك
ويعطيك العافية
لك تحياتي

ياسر الهنيدسي \ وجهك أبيض أشكرك على مرورك
العطر ويسعدني ويشرفني ذلك لا هنت

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه ..

أبن فرهود الحربي \ سالم الفريدي \
اشكركم جزيل الشكر دمتم بكل خير

حياك الله في ملتقاك اخوي نافع الحربي
قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

أبو فياض النويمي \ أشكرك جزيل الشكر ومرورك على الموضوع
زاده جمال وكلامك أعتبره وسام وشهادة أعتز فيها من رجلا له
خبرة في هذا المجال فشكرا لك من كل القلب أخي العزيز ودمت بخير