ياسعود وش سويت وش هي ذنوبي=خليتني هيكل مسامير وأســــــــــلاك

اخواني الأعزاء
بعد ان اثقلت عليكم بالقصائد ذات الطابع الحزين
يسعدني ان اقدم لكم هذه القصيده وهي من الأدب الساخر الذي يعالج القضايا الأجتماعيه
مع خالص التحية

السيارة ----------------------=------------------------------------
ياسعود وش سويت وش هي ذنوبي=خليتني هيكل مسامير وأســــــــــلاك
ومن الحرارة صاب رأســي اشطوبي=ودخــان شكماني تقل مــدمن جــراك
والســمكـــري ومساعده عـذبو بي= ضــرب المطــارق بي تقـــل دف دنبااك
سعود--------------------------=--------------------------
مــن الكبر جتك العــلل والعيوبى =خســـــارة ياليتنا مــــا شريناك
رهنت من شأنك شماغي وثوبي=عند المهندس يوم صاب البلا شواك
من راتبي نظفتي مخابي جيوبي=إلى متى وأنا أتحمــــــل خطـــايـاك
السيارة -----------------------=-----------------------------
تشهد على فعلك صوايب جنوبي = وقطع كفاراتي على درب ممشـــاك
ويسمع مع الشارع صياحي طنوبي=اليا اقبلت من شافك تعــوذ وهباك
كنك من اللي يأكلــون الحبوبي = وإلا يشــمـــون البليه هــــذولاك
سعود --------------------------=----------------------------
أمــك من اليابان والـــجد لـــوبي =مانتي على الملة رجعتى لمنشـــــاك
يالقربعة يا شينة الصوت تــــوبي =وإلا تـــرى عندي إليا أخطيتي دواك
اركب واجيبك مع عسير الدروبي =مع رأس طـعس يختلط زيتك وماك
السيارة ------------------------=------------------------------
هذا جزاء المعروف عند العــزوبي=اســـــمع كلامي لاتقـــول اتحداك
ترى الحديد افنى كثير الشـعوبي =لاتـــــــحدني ثم انقــلب واتواقاك
إن مت وإلا صاب جسمك عطوبي =وإلا تـحـــول جثت مابها احـــراك
سعود -------------------------=--------------------------
خــلاص أنا ابا اتوب وأسوق دوبي= وأعاير زيوتك ومســـح مــراياك
واتبع تعاليم المرور بركوبي= ومايعدي الميه مع الخط ممشاك
وأقــــول للمتهورين أقتــدو بــي =قبل انتحول كلنا مـن ضــحاياك

مع تحياتي / سعود المبيريك

ســعـــود--------------------------
--------------------------
6 مـــن الـكـبـر جـتــك الـعـلـل والعـيـوبـى
خــســارة يالـيـتـنـا مـــــا شـريــنــاك
7 رهـنـت مـــن شـأنــك شـمـاغـي وثـوبــي
عـنـد المهـنـدس يــوم صــاب الـبـلا شــواك
8 مــن راتـبــي نظـفـتـي مـخـابـي جـيـوبـي
إلـــى مـتــى وأنـــا أتـحـمـل خـطـايــاك
9 الــســيــارة -----------------------
-----------------------------
10 تشـهـد عـلــى فـعـلـك صـوايــب جـنـوبـي
وقـطــع كـفـاراتـي عــلــى درب مـمـشــاك
11 ويسـمـع مــع الـشــارع صـيـاحـي طـنـوبـي
الـيـا اقبـلـت مــن شـافـك تـعــوذ وهـبــاك
12 كـنــك مـــن الـلــي يـأكـلـون الحـبـوبـي
وإلا يـشــمــون الـبـلــيــه هــــــذولاك


اخوي الغالي سعود المبيريك

شاهدتي بشخصك مجرووووووووحه

صح السانك وصح السان سيارتك

ابو مالك

اشكرك على تواصلك المستمر

واعتز بك وشهادتك وسام فخر خاص

بتوقيع ابو مالك

تقبل تحياتي

اخي سعود المبيريك
والله ما قصرت ويعطيك العافيه
على هالمحاوره التي اشتملت على
الفكاهه وفي نفس الوقت التوجيه والموعظه
وهذا من اغراض الشعر
صح لسانك وبيض الله وجهك
تقبل وافر التقدير

الشاعر الجزل سعود بن مبيريك صح لسانك
سلمت ودمت ومحاوره حاميه ومتكافئه بين الطرفين
والصلح طيب وهو المطلب بكل وقت لاهنت ياسعود

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يابن مبيريك واعتلى شانك
اخوي مضحي يقول متكافئة ؟
وانا اقول لابالله ياسعود الا غلبك الحديد الله يكافينا شره
وبعدين ماغلبك بالكلام بس لكن قعد يهددك بالقتل واخيرا رضخت للحق وصرت قدوة للمتهورين .
اشكرك على هذه المحاورة الفكاهية الهادفة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ابو عادل
اشكرك على تواصلك المستمر

واعتز بك وشهادتك وسام فخر خاص



تقبل تحياتي

صحت السنتكم ماقصرتوااااا