سؤال يحتاج لجواب شافي

	المشاركة الأصلية كتبت بواسطة الصييفي

	سلام الله على اللي في الملاعب من شجيع و ذَرْب= عدد ما هل همال(ن) بوسم و سيّل شعابَهْ ورا بعض العرب لا جَرّ له دعوا و صَعْب الدّرْب= يخليها و لا يرجع لها في فِعْل أو جَابَهْ؟! ورا ما احد(ن) يجاوب لي سؤالي بالشعر يا حرب= و كثير من الحظور يقدّر السؤال و اسبابه أنا لا جيت للموضوع أجي طوّال ما جي ورب=و استأذن من اهل البيت قبل ادخل مع بابه طلبني للملاعب صاحبي و الرد جاه، و هَرْب=و لا ادري هو جَهَلْ و الاّ تكَبِّرْ و الاّ غَيرَ آبِه أنا ابغى رد شافي من رجال(ن) تعرفه عن قِرْب= لتوضيح السبب ما دام جا للحق طلاّبِه صحيح انِّي غريب(ن) بالبلد لا شك ماني صِرْب= أنا سعودي و ربعي لابة(ن) يا ويّها لابَه رجال(ن) تعرف سلوم العرب شمالها و الغَرْب= و جنوب و شرق ما يخفى عليهم شي و ذيابه الى جاهم غريب يقدرونه بالسَّعة و الكَرْب= و يصبح بينهم كنِّه نسب لو ما هم انسابه و انا شفت ان بعض الناس ما يعجبه زعج الغَرْب=و لو ان الما قراح يقول هذا مرّ و يهابه و مضمون الرساله وصل واضح و المداهِنْ تَرْب= أثر بعض العرب في المعرفه منقاش و جرابه

ما دام ما فيه رد حبيت افضفض شوي
و مشكورين