( حوار صريح مع الدنيا)

/
/
/
/
/
/
/
/
/
/
/
/

بنت الهوى جتني على راسها طوق=والعين تفتن بالرموش المضلّه
جتني تمشّى قدم عيني على روق= مشي ٍ يلوع القلب مني يتلّه
صدة عيوني خابر القلب محروق= محروق من لوعات صرت مملّه
قالت علامك قلت مالي بكي شوق= خابرك يالدنيا سيوفك مسلّه
قالت محنّك صان نفسه عن العوق=غيرك على لاماي دمعه يهلّه
حال البشر وياي لاحق وملحوق=لولا غلايه كان ماشفت زلّه
كل ٍ خطبني مير مالي بهم ذوق= ذوقتهم بالوقت هم ٍ وعلّه
لي عشرة ٍ قشرا لو اصفى لمخلوق=اسقيه سم الضيم من بعد فله
اخذت افرق بين عاشق ومعشوق= واخذت افرق بين مله وملّه
من صد عني عاش مكرم ومرموق=ياحض من ربه على الخير دلّه
ثم درت وجهي عنها غرب وشروق=هيه تناديني وانا قول لـلّه
قالت من انته رافع ٍغشمك لفوق= ماصد عني ياولد غير قلّه
جاوبتها خالد بن عبيد معتوق= حربي معرب مايعيش بمذلّه

الشاعر/ خالد بن عبيد بن معتوق ألأحمدي

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك أخي الشاعر/ صقر المراقيب

تسلم ويسلم بنانك ويعلو شأنك

قصيدة قيمة من شاعر قيم ومتمكن

دمت بخير وعافية . ،،،،،،،،

السلام عليكم ورحمة الله وبركاته
سلمت ودمت أخوي الشاعر صقر المراقيب على القصيدة .
.
.
جزله ورائعه وصح لسانك
أخوك ابوساره

صح لسانك ملاييييييييييييييين



شاعر جزل اطرب لقصائدك



لك تقديري

صح الله لسانك وبيض الله وجهك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

بن فرهود الحربي
شرفتنا يابن العم بمرورك الكريم

شهاده اعتز فيها
لاجات من
الراقي سعد نفاع

صح بدنك اخوي/ الحميدي الحربي
شرفتني